Regionálalaš plánaforuma

Regionálalaš plánaforumis sáhttet suohkanat ja fylkkasuohkanat bidjat ovdan plánaid plána- ja huksenlága mielde digaštallamii ja cealkámušaid oažžumii stáhtalaš ja regionálalaš orgánain ja eará guoskevaš berošteddjiin. Plánaforuma ii galgga plánaáššiin dahkat mearrádusaid dahje soabahallat.

Maŋemusat rievdaduvvon 24.04.2024 11.52

Čoahkkinplána 2020 1. jahkebealis (darogillii) (PDF, 168 kB)

Regionálalaš plánaforuma galgá váikkuhit:

kártet ja ovttastahttit stáhtalaš, regionála ja suohkanlaš beroštumiid regionála ja suohkanlaš plánaid oktavuođas.
čalmmustahttit ja čielggadit plánahástalusaid árra dásis.
ordnet dili lotnolas diehtojuohkimii, digaštallamii ja seammalágan práksisii.
ovddidit beaktileappot plánabarggu.
eastadit soahpameahttunvuođaid areálaplánain.
nannet plánema leat reaidun servodatovdáneapmái.

Hvorfor planforum?

Regionalt planforum skal bidra til:

å klarlegge og samordne statlige, regionale og kommunale interesser i forbindelse med regionale og kommunale planer.
å synliggjøre og avklare planutfordringer på et tidlig stadium.
å tilrettelegge for gjensidig informasjon, drøfting og samstemt praksis.
å fremme mer effektivt planarbeid.
å forebygge konflikter i arealplaner.
å styrke planlegging som verktøy for samfunnsutvikling.

Gii oasálastá?

Regionála orgánat main lea vuostálastinvuoigatvuohta leat oasseváldit plánaforumis. Suohkanat servet hálddahuslaš ja politihkalaš dásiin iežaset dáhtu mielde. Suohkanat sáhttet maid sihtat earenoamáš fágaorgánaid searvat čoahkkimii dan guoskevaš plánaáššis. Doaibmaálggaheaddji/konsuleanttat sáhttet searvat ovttas suohkaniin.

Dát eiseválddit gohččojuvvojit bistevaččat plánaforumii ja sii čoahkkinastet dain áššiin/čoahkkimiin mat sidjiide leat relevánttat.

Romssa ja Finnmárkku fylkkamánni
Romssa ja Finnmárkku fylkkasuohkan
Guolástusdirektoráhtta
Riddodoaimmahat
Stáhta geaidnodoaimmahat
NČE
Suodjalushuksehus
Sámediggi
Stáhta kártadoaimmahat
Avinor
Biebmobearráigeahčču
Minerálahálddašandirektoráhtta
Viessobáŋku
Bismagodderáđđi
Stáhtahuksehus

Rutiinnat

Suohkan sáhttá ieš dieđihit áššiid dađistaga, unnimusat 3 vahku ovdal go háliiduvvon čoahkkinbeaivvi. Čuojat dahje sádde e-boastta!

Lassin relevánta dokumeanttaide ja mildosiidda, de mii háliidit vuordámuščállosa čoahkkimii. Dás ovdanbuktá duogáža ja áššečuolmmaid maid háliida digaštallat/jearaldagaid plánaforumii. Ulbmil lea sihkkarastit ahte rievttes eiseválddit servet, ja ahte buohkat leat bures ráhkkanan čoahkkimii vai čoahkkin šaddá beaktil ja ávkkálaš buohkaide geat servet.

Áigemearri vuordámuščállosii/mildosiidda lea 2 vahku ovdal guoskevaš čoahkkinbeaivvi. Dokumeanttat biddjojit plánaforuma neahttasiidui - spiehkastusaid ferte árvvoštallat/šiehtadit earenoamážit

DIGITÁLA PLÁNAFORUMA BIRRA

Korona dili geažil dollojit čoahkkimat digitálalaččat.

Mii doallat čoahkkimiid Teams bokte. Buot oasseválddiid e-boastačujuhusaiguin sáhttet buohkat searvat beroškeahttá lea go Teams ovdalaččas vai ii.
Čoahkkin báddejuvvo videoi, vuosttažettiin referáhttačállima geažil. Dát sihkkojuvvo maŋŋel čoahkkima.
Vai čoahkkimat galget šaddet eanemus beaktilat, de mii oanidit áiggi juohke dieđihuvvon áššái leat eanemusat 1,5 diimmu. Dát gáibida oanehis ja aiddostahtton ovdanbuktimiid ja ráhkkanahtton ruovttoluottadieđuid čállosiidda maid suohkanat leat sádden sisa.
Čoahkkimiin galgá oanehis videopresentašuvdna buot oasseválddiin ovdalgo suohkanat besset atnit eanemusat 20 minuhta ovdanbuktimiidda. Rahppojuvvo čielggadeaddji jearaldagaide ovdalgo váldit vuoru beavddi birra iešguđet suorgeeiseválddiid ruovttoluottadieđuiguin.
Dasto mii rahpat ođđa vuoru čielggadeaddji jearaldagaiguin ja kommentáraiguin ja digaštallamiiguin.
Dađistaga sáhttet oasseváldit čállit iežaset “sárdnunlistui” čállit (čáttas) čielggadeaddji jearaldagaid. Dán dahká Teams videočoahkkima ságastallan-funkšuvnnas.
Mii rahpat oasseválddiide vejolašvuođa buktit cealkámušaid maŋŋel čoahkkima (áigemearri guokte beaivvi maŋŋel čoahkkima). Dát cealkámušat bohtet lasihuvvot čoahkkinreferáhttii.
Buohkain lea kámera ja jietna alde dassážii presentašuvdna birra beavddi lea geargan. Dasto bivdojuvvo ahte buohkat, earret go suohkan mii ovdanbuktá, jáddadit videokámeraid ja mikrofovnnaid.
Mii atnit juogaduvvon šearpma ovdanbuktima čájeheapmái. (Kopiija sáhttá sáddet midjiide maŋemusat beaivvi ovdalgo čoahkkin dollojuvvo sihkarvuođa-kopiijan)
Čoahkkinreferáhtat biddjojit nugo dábálaččat min ruovttusiidui.