Ulbmil ortnegiin lea doarjjut fitnodagaid mat galget nuppástuhttit fitnodaga buvttadeami mearkkašahtti láhkai dahje gávdnat ođđa márkaniid, ja dan oktavuođas lea dárbu nannet fitnodaga bargiid gelbbolašvuođa.
Ortnega njuolggadusat siskkáldasoahpahus fitnodagas leat ođasmahttimin ja almmuhat vajot go lea mearriduvvon.
Gii sáhttá oažžut doarjaga?
Unnit ja gaskageardán fitnodagat mat fertejit nuppástuhttit fitnodaga buvttadeami mearkkašahtti láhkai dahje gávdnat ođđa márkaniid, sáhttet ohcat doarjaga oahpahussii fitnodagas. Eaktu lea ahte doarjja váikkuha bisuhit ja nannet fitnodaga bargiid gelbbolašvuođa.
Ná ozat
Ohcan registrerejuvvo dán čujuhusa bokte: regionalforvaltning.no
Ollu go sáhttá juolluduvvot doarjjan?
Vejolaš lea addit gitta 300 000 ruvnno,–.
Doarjja galgá gokčat goluid maid oahpahus oassálastiid bálkágolut dagahit oahpahusáigodagas. Juohke oassálasti oahpahus ii galgga bistit guhkit go 26 vahku.
Ruđat juolluduvvojit fitnodaga nuppástuhttinplána vuođul, oahpahusa mearkkašumi viidásit ovddidit fitnodaga, nuppástuhttin plána ja nákce go doaibma čađahit plána.
Doarjaga eavttut
- Dušše priváhta fitnodagaide ja ovttaolbmofitnodagaide addojuvvo doarjja.
- Oahpahusgolut galget alo dahkat unnimusat 1/3 juolludansupmis
- Doarjja bálkágoluide ii sáhte leat eanet go 2/3 juolludansupmis. Olbmot geat leat permiterejuvvon ja ožžot beaiveruđaid NAV:s, eai sáhte oažžut doarjaga bálkágoluide.
- Ii leat vejolaš addit eanet go ovtta doarjaga seamma oahpahusprošektii
- Vejolaš lea oažžut máksojuvvot oasi mii lea gitta 75 proseantta juolludansupmis go prošeakta álggahuvvo.
- Doarjja addojuvvo vuollegis doarjjan (geahča njuolggadusaid)
- Eavttut leat álot daid rámmaid siskkobealde maid lágaid ráddjehusat ja vejolašvuođat mearridit.