Masa sáhttá ohcat ruđaid?
Gii sáhttá ohcat?
- Gielddat
- Norgga Valáštallanlihtu ja olympialaš ja paraolympialaš lávdegotti (NIF) valáštallansearvvit/organisašuvdnalađđasat, Sámiid valáštallanlihtu-Norga (SVL – N), Norges Jeger- og Fiskerforbund (NJFF), Den Norske Turistforening (DNT), Norges Bilsportforbund (NBF), Det frivillige Skyttervesen (DFS)
- Friluftsrådenes Landsforbund ja Norsk Friluftsliv vuollásaš ovttastumit*
- Sámi Heargelihttu ja lihtu vuollásaš ovttastumit*
- Norsk Kennel Klub ja searvvi vuollásaš ovttastumit*
- Čálgosearvvit, oasussearvvit/dábálašoasussearvvit, vuođđudusat, studeantaovttastusat dahje eará ovttastusat (geahča mearrádusaid) **
*Sáhttet dušše ohcat vissis rusttegiidda (geahča mearrádusaid vuolleleappos siiddus)
**Njuolggadusat fertejit dohkkehuvvot
Mo galgá ohcat?
Ođđa ja geardduhuvvon ohcamat lágiduvvojit elektrovnnalaš ohcanskoviin mii lea dáppe: anleggsregisteret.no
Ohcci galgá duođaštit ahte eavttut leat ollašuhttojuvvon ohcanskovi deavdima bokte ja mildosiid bokte mat sáddejuvvojit. Ohcama galgá lágidit maŋimusat ohcanjagi maŋŋágo rusttet lea válmmas.
Ohccit leat geatnegahttojuvvon oahpásmuvvat eavttuiguin mat bohtet ovdan mearrádusain doarjagiid birra valáštallama ja rumašlaš doaimmaid rusttegiidda. Váldde oktavuođa gielddain dahje fylkkagielddain mat addet eanet dieđuid ohcanáigemeari ja ohcanproseassa birra.
Ohcanáigemearit
Gielddaide: golggotmánu 15. b. juohke jagi
Gielddain fylkkagildii: Ođđajagimánu 15. b. juohke jagi.
Raporteren
Go lea lohpádus ruhtadeapmái ferte ohcci guovtte jagi siste gárvet rusttetprošeavtta. Ovdal áiggemearri dievvá galget máksinávžžuhus, rehketdoalloskovvi ja rehketdoallodárkkisteaddjecealkámuš sáddejuvvot fylkkagildii.
Rehketdoalloskovvi ja dievaslaš dieđut rehketdoalugáibádusaid birra.
Vuolábealde lea iskanlistu veahkkin rehketdoallobargui. Iskanlistu galgá gielda deavdit ja leat mielddusin rehketdollui mii sáddejuvvo rehketdoallodárkkisteaddjái.
Speallanruhtadeamerehketdoalu iskanlistu (dárogilli) (PDF, 176 kB)
Oassemáksu
Oassemáksin sáhttá čađahuvvot go bargu lea bures boahtán johtui ja/dahje go rusttegat lea gárvegoahtán. Oassemáksu sáhttá oktiiheivehuvvot fylkkagieldda práksisa mielde. Jus oassemáksin galgá čađahuvvot de fylkkagielda, dássái go dárkkistuvvon rehketdoallu lea gárvvis, sáhttá doalahit oasi loahppasupmis mii dagaha 15 % speallaruhtadeami doarjjasupmis. Čuovvovaš skovvi ferte devdojuvvot go lea oassemáksin ja sáddejuvvot gieldda bokte fylkkagildii.
Oassemávssu dilleraporta (dárogilli) (PDF, 162 kB)
Gulahallan
Emil Agersborg Bjørnå
Sadde e-poastta
Telefovdna: 78 96 32 45
Johnni Håndstad
Sadde e-poastta
Telefovdna: 77 78 82 27