Dieđit
Dieđit mánáidgárddi pedagogalaš jođiheaddjái dahje mánáidgárddi jođiheaddjái jus du mánná vásiha ahte ii leat dorvvolaš ja buorre leat mánáidgárddis.
Váikko ii leat bákkolaš, de mii ávžžuhat dieđihit čálalaččat - dás oainnát evttohusa mo dan sáhtát dahkat:
-
Hei!
Mun lean gulahallan Finnmárkku Givssidanáittardeaddjiin ja ožžon bagadusa iežan máná vuoigatvuođaid hárrái dorvvolaš ja buorre mánáidgárdebirrasii.
(máná namma) vásiha dorvvohis mánáidgárdebirrasa NN mánáidgárddis, mii čájehuvvo earret eará dán láhkai:
- Ovdamearka 1
- Ovdamearka 2
- Ovdamearka 3
Mun čujuhan mánáidgárdeláhkii §42 ja bivddán ahte dakkaviđe biddjo johtui doaibma sihkkarastit ahte mu mánná oažžu oadjebas ja buori máináidgárdeárgabeaivvi mii ovddida dearvvašvuođa, loaktima, stoahkama ja oahppama.
Láhkaortnet dadjá ahte máná vásáhus galgá vuođđun árvvoštallamis ja iige ovdamearkka dihte mo mánáidgárdi dulko dilálašvuođa - gávdno lasi diehtu dan birra Oahpahusdirektoráhta neahttasiiddus mánáidgárdebirrasa hárrái.
Proseassa das ovddosguvlui
Go leat dieđihan vuorjašumát nu mo čilgejuvvon dás bajábealde, de galgá mánáidgárdi árvvoštallat ášši ja fuolahit ahte mánná oažžu dorvvolaš ja buori mánáidgárdebirrasa, nu guhká go gávdnojit heivvolaš doaibmabijut. Dat gusto maid daid háviid go mánáidgárdi ieš lea álggahan iskkadeami/árvvoštallama mii čájeha ahte muhtun mánás ii leat buorre ja dorvvolaš mánáidgárdebiras. Doaibmabijuid galgá válljet konkrehta ja fagalaš árvvoštallama vuođul.
Go lea ášši mii gáibida ahte bidjá johtui doaimmaid, de galgá mánáidgárdi ráhkadit čálalaš plána, mánáidgárdelága §42 olis.
- Givssidanáittardeaddji lea ráhkadan iskanlisttu mas čužžot áššit mat sáhttet veahkkin dagahit doaibmaplána eambbo konkrehta ja čielggas sihke váhnemiidda ja mánáidgárdái. Váldde dan áinnas mielde čoahkkimii mánáidgárddiin. Gávnnat dan dás vuolábealde.
- Doaibmaplána galgá čilget áibbas konkrehta mo mánáidgárdi galgá bargat aktiivvalaččat sihkkarastit ahte du mánná vásiha dorvvolaš ja buorre mánáidgárdeárgabeivviid.
- Mánáidgárdi ráhkada iešguđetlágan doaibmabijuid - sihke mánná ja dii váhnemat galgabehtet vuordit ahte doaibmabijut leat konkrehta ja ahte mánáidgárdi čuovvola ášši jeavddalaš árvvoštallamii bokte ovttasráđiid dinguin nu ahte dađistaga árvvoštallojuvvo doaibmabijuid ávki.
- Bargit galget čuovvut mielde, ja aktiivvalaččat seaguhit iežas jus loavkideamit dáhpáhuvvet. Plánas galgá maid čuožžut man láhkai mánáidgárdi galgá bargat eastadit loavkidemiid.
Jus dat ii dahkko dahje jus doaibmaplána ii čuovvuluvvo de sáhttibehtet váidit ášši mánáidgárdeeaiggárii dahje gieldda mánáidgárdeeiseváldái gii galgá bagadit ja bearráigeahččat mearrádusa . Loga lasi oadjebas ja buori mánáidgárdebirrasa birra Stáhtahálddašeaddji neahttasiiddus..
Doaibmaplána iskanlistu
-
- Lea go mánná/váhnen gullon?
- Lea go mánná/váhnen searvan ja beassan váikkuhit plána hábmemis?
- Mo lea mánáidgárdi ádden/ipmirdan ja čilgen máná subjektiiva vásáhusa?
- Lea go váttisvuohta čilgejuvvon buot oasálaččaide buori, čielga ja áddehahtti láhkai?
- Leat go doaibmabijut konkrehta ja vejolaš mihtidit golbma dásis?
1. Doaibmabijut mat fuolahit su guhte givssiduvvo
2. Doaibmabijut mat bissehit ja fuolahit su/sin guhte givssidit
3. Doaibmabijut mat čájehit man láhkai galgá fuolahit ja olahit fas buori mánáidgárdebirrasa.
- Lea go čielga áigeplána doaibmabijuid čađaheapmái ja árvvoštallamii?
- Lea go čielggas geas lea ovddasvástádus juohke doaibmabidjui?
- Lea go doaibmabijuid čuovvoleami kvalitehta árvvoštallon doarvái bures?
- Lea go dialoga/ovttasbargu gaskal mánáidgárddi ja ruovttu nu buorre ahte ovddida máná dearvvašvuođa, loaktima, stoahkama ja oahppama?
Áittardeaddjiid rolla
Givssidanáittardeaddji lea sorjjasmeahttun resursaolmmoš mánáide, nuoraide ja váhnemiidda dán barggus.
Loga lasi Givssidanáittardeaddji rolla birra dás.
Jus dárbbašat eambbo čuovvoleami dahje jus lea dárbu dušše sagastallat Finnmárkku givssidanáittardeaddjiin de sáhtát váldit oktavuođa fylkkagieldda skovveportála bokte.
Váldde oktavuođa Finnmárkku givssidanáittardeaddjiin
Ávkkálaš liŋkkat
Sámegillii ođasmahttojuvvon 26.03.2026
Samisk versjon oppdatert 26.03.2026