Dieđit privatistaeksámenii

Dárbbašatgo buoridit árvosáni fágas dahje čađahit eksámena fágas mii dus ii leat ovddežis? Dalle sáhtát dieđihit privatistan ja čađahit eksámena ovtta min joatkkaskuvllain. 

Dieđiheapmi eksámenii 

Dieđiheapmi privatistaeksámenii dahkkojuvvo Privatistportalenis, mii lea rabas guovtti áigodagas: 

  • Ođđajagimánu 15. beaivvi rájes – guovvamánu 1. beaivvi rádjai, dii. 23:55 (giđđaeksámen) 
  • Čakčamánu 1. beaivvi rájes – čakčamánu beaivvi rádjai, dii. 23:55 (čakčaeksámen).

Mana Privatistportalenii

Dieđiheapmi ferte leat ollašuhttojuvvon ovdalgo áigemearri nohká. Dieđiheapmi maŋŋil áigemeari ii dohkkehuvvo.

Juos leat teknihkalaš čuolmmat, de fertet dalánaga váldit oktavuođa fylkkagielddain vai mii sáhttit du veahkehit dieđihemiin. Geahča oktavuođadieđuid vuollelis siiddus.

Dieđihaneavttut 

Go dieđihat eksámenii, de dohkkehat seammás eavttuid

Máksin

Juos áiggut čađahit privatistaeksámena fágas mii gáibida eanet eksámeniid, ovdamearkka dihtii njálmmálaš ja čálalaš eksámena, de fertet máksit eksámendivada juohke eksámena nammii. Don mávssát eksámendivada Privatistportalenis go dieđihat iežat eksámenii. Máksojuvvon eksámendivat ii máksojuvvo dábálaččat ruovttoluotta. 

Eksámendivat (iešguhtege eksámena nammii) jagi 2026 ovddas lea:

  • Ođđa fága: 1 403 kruvnnu
  • Árvosátnebuorideapmi: 2 808 kruvnnu

Loga eanet eksámendivada hárrái stáhtabušeahtas jagi 2026 ovddas. .

FUOM! Dieđiheamit eksámenii mat eai leat máksojuvvon, eai leat gustovaččat. 

Juos dieđihandilli lea «Prosesserer oppmelding» [prosesseremin dieđiheami], de lea dat dohkkemeahttun dieđiheami ovdamearka. Dušše go dieđihandilli lea «Oppmelding fullført» [dieđiheapmi ollašuhttojuvvon] dahje "Fritatt" [čovdojuvvon], lea dieđiheapmi gustovaš. 

Ale gidde neahttaloganlása ovdalgo máksin lea ollašuvvan. 

Máksináigemearri 

Máksináigemearri lea seamma go dieđihanáigemearri. Geavat Visa dahje Mastercard. 

Máksoduođaštus

Don sáhtát ieš čálihit duođaštusa máksojuvvon eksámendivada ovddas Privatistportalenis. Loga bagadusa dán PDF-čállosis. (PDF, 280 kB)

Geatnegasvuođat ja vuoigatvuođat privatistan 

Privatista lea son gii dieđiha iežas eksámenii almmá ahte lea oahppi fágas muhtin skuvllas (mas lea eksámenvuoigatvuohta) dieđihanáigemuttus. Privatistan it oaččo oppalašárvosáni fágas. Fuomáš maiddái ahte privatisttaid eksámenortnet, máŋgga fágas, lea earálágan go ohppiid eksámenortnet. 

Loga eksámenortnegiid hárrái dáppe 

Privatistan fertet ieš fuolahit ahte doalat áigemeriid ja oahppašuvat eksámennjuolggadusaide. 

Fuomáš earenoamážit privatistaeksámena dieđihanáigemeari. Diŋgo oahppoduođaštusa skuvllas buori áiggis ovdal dieđihanáigemeari alit ohppui. 

Loga eanet gelbbolašvuođaduođaštusa ja oahppoduođaštusa diŋgoma hárrái dáppe. 

Fágat maid sáhtát váldit privatistan 

Loga fágaid ja fágakodaid hárrái dán siiddus.

Fágat main lea eksámen dušše čakčalohkanbajis 

Máŋga skuvlla fállet njálmmálaš eksámena eŋgelasgiela prográmmafágas ja vierisgielain fránskkagielas, ruoššagielas, espánnjagielas ja duiskkagielas sihke čakčat ja giđđat, ja eará giellafágain dollojuvvo njálmmálaš eksámen dušše čakčat. 

Listtu mii čájeha guđiin vierisgielain don sáhtát čađahit eksámena, gávnnat dáppe (Udir.no)

Geassádeapmi

Loga geassádeami hárrái privatistaeksámenis dáppe 

Oahppoplánat 

Čavčča 2020 rájes sisabuktojuvvojedje ođđa oahppoplánat (L20) Jo1:i. Vuosttas eksámen ođđa oahppoplána mielde leai giđđat 2021. Dasto bohte fágat Jo2:i ja Jo3:i. Vuosttas eksámen Jo3-fágaide leai giđđat 2023. Earret matematihka, ledje eksámenat ođđa oahppoplána mielde aivve digitálalaččat (EPS-eksámen). Eanet dieđuid gávnnat Oahppodirektoráhta neahttasiidduin. 

Eanaš fágain lea molsunortnet mii addá vejolašvuođa čađahit eksámena boares oahppoplána mielde (LK06) golmma geardde maŋŋilgo ođđa oahppoplána lea sisabuktojuvvon. Spiehkastagat leat vierisgielat main ii oahpahuvvo. Geahča dieđuid Oahppodirektoráhtas. 

Lohkangelbbolašvuohta 

Leat máŋga geainnu oppalaš dahje earenoamáš lohkangelbbolašvuhtii. 

Dieđuid lohkangelbbolašvuođa hárrái gávnnat Samordna opptak [Oktasaš sisaváldin] ja utdanning.no [oahppu.no] neahttasiidduin.

Alit ohppui sisaváldima njuolggadusaid hálddaša Oktasaš sisaváldin. Danne ferte sis bivdit vástádusaid jearaldagaide mat gusket sisaváldimii, čuokkesrehkenastimii ja nu ain.

 Oktavuođadieđut 

Jearaldagaid main lea sáhka eksámenis oppalaččat sáhttá sáddet fylkkagildii e-poastta bokte deike: eksamen@ffk.no.

Vástádusaid jearaldagaide eksámena hárrái masa don leat dieđihan iežat, bivddát eksámenskuvllas. 

Hearkkes dieđuid it galgga sáddet dábálaš e-poasttain – geavat eDialog – geavat eDialog

Sámegillii ođasmahttojuvvon 19.11.2026
Samisk versjon oppdatert 19.11.2026