Báhpastohpu Vuorjámjogas lea oassi Fotefar mot nord-áŋgiruššamis.
Govvejeaddji: Finnmárkku fylkkagielda
Prošeakta oaččui ođđa juolludeami 2021:s, ja dál barget Sámediggi ja Trööndelaagen fylhkentjïelte, Nordlaanten fylhke/Nordlánnda fylkka/Nordlándda fylka, Romssa fylkkasuohkan ja Finnmárkku fylkkagielda ovttas prošeavtta ealáskahttimiin, man Riikkaantikvára ja Arktis 2030 leat dorjon. Prošeakta galgá sihkkarastit Fotefar mot nord doaimma ovddos guvlui, dainna lágiin ahte bargá earret eará ođasmahttojuvvon galbbaiguin, heivehemiin, digitála gaskkustemiin, galledanhálddašemiin ja doaibmanšiehtadusaiguin gielddaiguin. Ealáskahttin sáhttá mielddisbuktit ahte Fotefar-lokalitehtat ođasmahttojuvvojit dahje nuppástuhttojuvvojit, ja juohke gielda ferte ieš mearridit mii galgá dáhpáhuvvat sin Fotefarain.
Finnmárkkus mis leat 19 válljejuvvon kulturbirrasa mat leat Fotefar. Daid oainnát tabeallas dás vuolábealde.
Loga lasi Fotefar mot nord birra dáppe, gos earret eará gávnnat buot Fotefaraid kártii merkejuvvon, ja liŋkkaid diehtogihppagiidda mat ráhkaduvvojedje juohke Fotefarii.
Doarjjaortnet
Fotefa mot nord-prošeakta álggaha giđa 2026 ođđa doarjjaortnega gielddaide Fotefar-lokalitehtaid ovddideapmái. Gielddat mat vuolláičállet šiehtadusa ožžot dál 20 000 ruvnno álggahandoarjjan juohke Fotefarii. Ruđat galget váikkuhit dasa ahte buoridit guovlluid beasatlašvuođa, gaskkusteami ja kvalitehta ja addit gielddaide eambbo friddjavuođa vuoruhit báikkálaš dárbbuid.
Gielddat sáhttet válljet čuovvovaš doaibmabijuid
- Galben ja diehtojuohkin: ovdamearkka dihte doaibmabijut mat buoridit dieđuid gaskkusteami, nugo ođđa galbbat, universála hábmen, bálgáid merken ja buoret beassangeaidnu.
- Dikšun ja láhčin: Joatkevaš divodeapmi ja praktihkkalaš doaimmat nugo šaddodaga njeaidit, muohttaga čorget, bálgáid fuolahit, beaŋkkaid ja dollasajiid bidjat, dahje eará eaŋkilis heiveheamit.
- Eará doaibmabijut: Gielda sáhttá evttohit eará doaibmabijuid maid ferte dohkkehit ovdal go čađahuvvojit.
Buot doaibmabijuid ferte čielggadit Fylkkagieldda dahje Sámedikki gulahallanolbmuin ovdal álggaheami ja máksima.
Šiehtadus ferte vuolláičállon ja doaibmabijut čielggaduvvon ovdal golggotmánu 1. b. 2026. Máksin dáhpáhuvvá ohcama vuođul.
Raporterenáigemearri lea skábmamánu 1. b. 2027.
Doarjjaortnega ruhtadit Nordenfjeldske Bykreditts Stiftelse ja Arktis 2030.
Dasa lassin lea Finnmárkku fylkkagielda várren 2026 bušeahttaruđaid seailluhandoaibmabijuide mat maiddái sáhttet geavahuvvot Fotefar-lokalitehtaide.
Finnmárkku Fotefar mot nord
Sámegillii ođasmahttojuvvon: 07.04.2026
Samisk versjon oppdatert: 07.04.2026