Snelandia-busse vuodjá Hesseng-geainnu miel Girkonjárggas, Mátta-Várjjagis, muhtun dálvebeaivvi. Dáppe johtet fargga busset, ovddos maŋos áibbas ođđa bussedepohtii. Illun sihke mátkkošteaddjide ja bussevuoddjiide!
Sunniva Tønsberg Gaski/FFK
Dahke šiehtadusa čakčamánu 2. beaivvi.
Ođđa bussedepohta, mas lea čujuhus Hessengveien 24, šaddá dehálaš olahus kollektiivafálaldagaid ovddideamis Nuorta-Finnmárkkus. Dáinna rusttegiin gosa čáhket 17 bussa, guovtti bálvalushálla ja bassanhálla, šaddá sihke buoret doaibma ja eanet luohttehahtti árgábeaivi mátkkošteaddjiide ja vuoddjiide.
Geahča govaid huksensajis vuolimuččas artihkkalis.
Leder av hovedutvalget for samferdsel (HUS), Terje Hansen (FrP), utenfor fylkeshuset i Vadsø. Johtalusa váldolávdegotti (HUS) jođiheaddji, Terje Hansen (FrP), fylkkavistti olggobealde Čáhcesullos.
Sunniva Tønsberg Gaski/FFK
Buoret árgabeaivi sihke vuoddjiide ja mielčuovvuide
– Dát lokte sakka kollektiivajohtalusa Nuorta-Finnmárkkus. Busset ožžot ođđaáigásaš stašuvnna, ja mii láhčit dili beaktilis doibmii mii boahtá ávkin sihke vuoddjiide ja mátkkošteddjiide, dadjá Terje Hansen (FrP), Finnmárkku fylkkagieldda johtalusa váldolávdegotti (HUS) jođiheaddji.
Ođđa depohta Hessengas galgá leat ođđaáigásaš, doaimmalaš ja ceavzilis rusttet man vuođul sáhttit buoridit kollektiivafálaldagaid regiovnnas.
– Lea illudahtti go depohta huksejuvvo birasseasti ávdnasiiguin ja ahte ceavzilvuohta lea guovddážis. Dát lea duohta boahtteáiggediđolaš johtolat, loahpaha váldolávdegotti jođiheaddji.
Girkonjárgga bussedepohta birra
- Orustansadji 17 bussiide
- Okta bassanhálla
- Guokte bálvalushálla divodemiid várás
- Huksejuvvon birasseasti ávdnasiiguin - 100 % beahci mii lea vuidojuvvon ruovdevitrolain
- Julggabealávdnasis lea vuollegis CO₂-luoitin ja boahtá dohkehuvvon ceavzilis vuovdedoalus (PEFC- dahje FSC-stándard)
Deike boahtá Girkonjárgga ođđa bussedepohta (Hessengveien 24, gnr./bnr. 25/310)
Rambøll
Sámegillii ođasmahttojuvvon 04.09.2025 | Samisk versjon oppdatert 04.09.2025