Ferge på vei til Øksfjord ferjekai, foreviget av samferdselssjefen. Fearja jođus Ákšovutnii, govven lea johtalushoavda Jørgen Blix/FFK

Iđđes árrat gaskavahku , čakčamánu 3. beaivvi, dollii johtolat váldolávdegoddi (HUS) Álttás oarjjás. Vuosttaš bisánanbáiki lei Ákšovuotna, gos sii gallededje Láhpi suohkanstivralanja ja deaivvadedje sihke ovdagottiin, ealáhusain ja báikkálaš olbmuiguin.  

Prográmmas ledje cealkámušat maid earret eará Polarfeed, Sandland Brygge, Byggtorget, Sør-Tverrfjord Handel ja pensionistasearvi bukte ovdan - mii čájeha hui bures dan viidodaga mii lea báikkálaš johtalusáŋgiruššamis.

Das viidáset Ákŋoluktii

Maŋŋelis seamma beaivvi dollejedje viidáset fatnasiin Ákŋoluktii. Áššelisttus ledje čoahkkimat, diehtojuohkkin ja áššemeannudeapmi, fáttát ledje skohtergeavaheapmi, ealáhusfievrrideapmi ja Mikkelsby lotnolasfanaskaija stáhtus. 

Doppe meannuduvvui maiddái 5610 Porsáŋgu-Čorgaš doaibmašiehtadusa almmuheapmi. Dát fatmmasta earret eará luoddagaskka Beahkkirvuonas - Nuorrái Fylkkageainnu 888 mielde. Geahča áššemielddusiid ja mearrádusaid OpenGov:as. 

Báikediđoštallan Ákšovuontuneallas

HUS maid oaččui buori čađaheami Ákšovuontuneallas fylkkagieldda huksenjođiheaddjis ja tunealla hálddašeaddjis Kenneth Johannessenis, gii čilgii mo tunealla doaimmahuvvo ja áimmahuššojuvvo. 

Ákšovuontunealla: Kenneth Johannessen, fylkkagieldda huksenjođiheaddji ja tuneallaid hálddašeaddji, čađaha njálmmálaččat ja báikkálaččat tuneallaid doaibmama ja áimmahuššama lávdegotti ovddas. Jørgen Blix/FFK

Huksenjođiheaddji muitalii maid makkár bargu lea čađahuvvon fg:s 882 gaskal Márregohpi Ákŋoluovttas ja Lákkovuonbađa Álttás, ja mii plánejuvvo.

Lávdegoddi beasai maid fárrui báikediđoštallamii Márregohpis, ovdal go dollejedje fas Áltái duorastat eahkeda.

– Olggos vuolgit ja deaivvadit olbmuiguin lea dehálaš. Dan láhkai oažžut máhtu ja rávvagiid mat leat áibbas dárbbašlaččat johtalusfálaldagaid ovddideapmái Finnmárkkus, cealká johtolathoavda Jørgen Blix.

Háliidat giitit Láhpi ja Ákŋoluovtta gielddaid buriid čoahkkimiid ovddas ja buori guossoheami ovddas!

Lávdegoddi fitná Cermaq galledeamen Sállanis Ákŋoluovtta gielddas. Fitnodat lea huksemiin ođđa rusttega "postsmolt" buvttadeapmái. Jørgen Blix/FFK