Fylkkageaidnu 98 Deanodaga ja Čuollovuona gaskka, Deanu gielddas Nuorta-Finnmárkkus, borgemánu 14. beaivvi 2025. Luottas leat ee. hui heajos asfáltagovččas. Odd Walter Hirsivaara/FFK

Vuossárgga borgemánu 11. beaivvi vuolláičállui šiehtadus entreprenevrrain Mietinen Anlegg AS mas lea sáhka 42,6 miljovnna ruvnnu (momsadivada haga). Prošeakta lea oassin "fisk til marked"-páhkas (guolli márkanii) mii galgá nannet nuorta-oarje-oktavuođaid Finnmárkkus. Divodanbargguin buoridit beassama ja johtolatsihkarvuođa fievrridanjohtolagas mii lea dehálaš ee. guolástusealáhussii ja eará ealáhusaide.

Lea 2,8 kilomehter guhkkosaš luodda gaskal Deanodaga ja Čuollovuona, fylkkageainnu 98 mielde, Deanu gielddas.

Dás áigot čázehuhttima ođasmahttit ođđa čáhcebohcciin, luoddavuođu ja guoddingeainnu nanusmahttit, ja ođđa asfálta bidjat. Dasa lassin buoriduvvojit goivvohagat ja eanadat geaidnorávddas vai čáhci golgá buorebut ja sihkkarvuohta lassána, ee. váldit eret mássa buoridan dihte oainnádaga.

Dehálaš luodda

Fv. 98 čatná oktii Finnmárkku nuorta- ja oarjjabeale ja lea erenoamáš dehálaš guolástusealáhussii, mii dárbbaša buori beastlašvuođa dálvet ja oadjebas johtolaga birra jagi. Go gerget dán eanaoasi divvumis, de johtaleaddjit sáhttet vásihit vuohkkaset vuodjima, lasi sihkarvuođa ja buoret beasatlašvuođa.

– Buorre ja oadjebas geaidnofierpmádat lea mearrideaddjin sihke ássamii, ealáhusaide ja Finnmárkku álbmoga beaivválaš mátkkošteapmái. Dát buorideapmi ráhkkanahttá dehálaš geaidnogaskka boahtteáigái, dadjá Terje Hansen (FrP) duhtavaččat, johtalusa váldolávdegotti jođiheaddji (HUS).

Plána mielde galgá bargu álggahuvvot dán mánu loahpas (borgemánu 2025). Prošeakta lea plánejuvvon gárvánit golggotmánnu 2026:s. 

Sámegillii ođasmahttojuvvon 15.08.2025 | Samisk versjon oppdatert 15.08.2025