Gáibádusat ohcamuššii
Ohcamuša ferte fylkkagieldda elektrovnnalaš skovveportála bokte sáddet. Ohcamušat mat bohtet portála olggobealde eai meannuduvvo.
Fylkkagieldda hálddahus árvvoštallá ohcamušaid ja árvala juolludemiid, ja Gelbbolašvuođa váldolávdegoddi mearrida juolludemiid.
Finnmárkku regionála kulturfoanddain lea vejolašvuohta fidnet doarjaga buriid doaibmabijuide ja prošeavttaide, muhto ii leat dáhkádus. Juolludeapmi dahkko mearriduvvon njuolggadusaid, gáibádusaid ja vuoruhemiid vuođul. Ruhta lea ráddjejuvvon, ja dábálaččat oažžut dan mađe ohcamušaid ahte ii leat doarvái ruhta gokčat buot, ja dalle fertet árvvoštallat ja vuoruhit ohcamušaid gaskka. Dat mearkkaša ahte maiddái ohcamušat mat devdet buot formálalaš eavttuid sáhttet hilgojuvvot dahje oažžut unnit ruhtadoarjaga go maid ohcamušas bivde.