Thor Robertsenis lea Gonagasa ánsomedálja gieđas, ja bearaštis birra. Chand Deep Kardey

Medálja geigii stuoradiggeáirras ja álgi stáhtahálddašeaddji Runar Sjåstad.

Thor Robertsen lei guokte áigodaga Bargiidbellodaga áirras Finnmárkku fylkkadikkis, lassin dasa ahte barggai ollu jagiid Finnmárkku fylkkagielddas.

Doppe son lei láidesteaddjin ovdáneapmái, ja son lea ovddastan áddejumi, sáhkkiivuođa ja dáhtu. Dán deattuhedje maiddái sártniin doaluin, earret eará riikarevisora Karl Eirik Schjøtt-Pedersen ja Olgoriikkadepartemeantta ovddasteaddji.

Robertsen lea maid leamaš guolástusoassádalli ja rektor Stáhta guolástusindustriija fágaskuvllas, ja lea maid báikkálaš historjjá čálli.