Sandra Maria Balto Roldy Cueto

–  Stipeanda galgá doarjjan valáštalliide áŋgiruššat nieguideaset olahit, dadjá fylkkasátnejođiheaddji, Hans-Jacob Bønå (OB).

Dán jagi juolluduvvojedje guokte 25 000 ruvdnosaš stipeandda. Finnmárkku fylkkagieldda valáštallanstipeandda 2025 vuoitit leat Sandra Maria Balto ja Tim Edvard Mechtchanski Hyld Pettersen.

–  Valáštalli guovttos leaba olahan alla dási sihke nationála ja internationála dásis. Finnmárkku fylkkagielda lea ilus go beassá leat mielde doarjumin sudno áŋgiruššama ja mii illudit čuovvut dan guoktása ovddosguvlui, dadjá Bønå.

Sandra Maria Balto birra

Kárášjoga vuodjansearvvi Sandra Maria Balto lea vuoitán NM junior máŋga vuodjanvuogis, dasa lassin seniorluohká golbma buoremusa searvvis, golli ja bronsa The North Sea Swim Meet 2024 gilvvus ja guokte golli Rotterdam Qualification Meet 2024 gilvvus. Son lea maid bidjan Norgga juniorolahusa jagi 2024:s.

Tim Edvard Mechtchanski Hyld Pettersen birra

Tim Edvard Mechtchanski Hyld Pettersen lea sihkkelasti IL Frea nammasaš searvvis ja lea olahan guokte NM-golli ja ovtta silbba 2024:s, bronsa Ghent International Track Meeting gilvvuin, Keirin, ja logi buoremusa searvvis GP Hyeres, Keirin ja Grosse Preis Von Deutchland im Sprint gilvvuin 2025:s. Mediat leat gohčodan su Norgga falimus sihkkelastin.