Fylkkalávdegoddi juolludii dán vahku njeallje miljovnna ruvnno Finnmárkku riddo- ja vuotnaguovlluid ovddideapmái. Govva: Ida Bjørkquist

Káijat ja rukkut leat muhtun doiabmabijut mat ožžo ruhtadoarjaga Finnmárkku fylkkagieldda ođđa foanddas. Riddoovdánahttinfoandda áigumuš vuolgá politihkalaš mihttomearis veahkehit infrastuktuvrrahuksemiin ja ovdánahttimii rittu guora ja fylkka máŋgga sulluin. Dál lea ruhta juhkkojuvvon. 

Ođasmahttojuvvon infrastruktuvra

Máŋga báikegottit dárbbášit ođđa infrastruktuvra sihkkarastin dihte álbmoga sturrodaga, ealáhusdoaimmaid lasiheami ja servodatovdáneami. 

Ubmil Riddoovdánahttinfoanddain lea váldit oasi infrastruktuvrra ruhtadeamis almmolaš káija- ja hápmanrustegiin.

Fylkkasátnejođiheaddji Hans-Jacob Bønå lea duhtavaš go juolluduvvo njeallje miljon ruvnno iešguđetlágan doaimmaide Finnmárkkus: - Infrastruktuvrii investeren lea mearrideaddjin ekonomalaš doaimmaid oččodit ja investeremiid geasuheapmái riddoservodagain. Buorre hápmanfierpmádat dagaha vejolažžan johtileappot ja hálbbibut fievrridit gálvvuid, mii fas buorida báikkálaš ealáhusaid gilvalannávccaid. 

Nanne almmolaš ja priváhta suorggi

– Finnmárkku fylkkagielda bargá ceavzilis ovdáneami, buriid almmolaš bálvalusaid ja eallinnávccalaš báikegottiid ovdii. Riddoovdánahttinfoanda lea oassi fylkkagieldda guhkesáiggi strategiijas nannet ealáhusaid ja infrastruktuvrra miehtá Finnmárkku, dadjá Bønå.

Bønå čilge viidáseappot ahte dáinna áŋgiruššamiin nannejuvvo rámmavuogádat man bokte sáhttit fuolahit sihke ealáhusaid ja servodaga dárbbuid Finnmárkkus.

– Seammás mii sihkkarastit ahte ruhtahálddašeapmi geavvá báikkálaš fakkasteami vuođul ja ovttasbarggu vuođul almmolaš ja priváhta oassádalliiguin, lohká fylkkasátnejođiheaddji.

Dát ohcamušat ožžo doarjaga:

• 600.000,-  ruvnnu Hammerfest havn KF:ii ođđa káija Landstrandii investeremii
• 525.000,- ruvnnu Måsøy næring og havn KF:ii lovttona oastimii hápmanii
• 525.000,- ruvnnu Kyst og Fjord Frakt AS:ii govdokáijarusttega investeremii Fállevuonas
• 150.000,- ruvnnu Nuvtopia Fabrice Caline:ii govdokáija ásaheapmái Cuokcavutnii
• 600.000,- ruvnnu govdokáija oastimii, Girkonjárgga hápman, Sør-Varanger KF  
• 1 000 000,- ruvnnu doaibmabijuide Juovlavuonas čáhcái, ruferusttegii, el-rávdnjái, káija/molo/govdokáijá, Deanu gielda
• 600 000,- ruvnnu asfalteremii káijarusttegis  Gohpis, Deanu gielda

 Loga ášši ja mearrádusaid OpenGov:as