Lagabui 90 olbmo viiddis kultursuorggis ledje dán vahku čoahkkanan Áltái digaštallat man láhkai kultuvra ja valáštallan doaibmá jođihanfápmun ealli ja fátmmasteaddji báikegottiid ovddideamis. 

Fertet áŋgiruššat dáiddasuorggi

Samfunnsøkonomisk analyse beaivválaš jođiheaddji, Karin Ibenholt, ovdanbuvttii konferánssas raportta “Kultursuorggi sadji servodatovddideamis". Dat čájeha man láhkai kultuvra čuohcá juohkehažžii ja servodahkii, ja makkár rolla kultuvrras lea fátmmasteaddji ja ceavzilis báikegottiid ovddideamis. 

– Kultuvra lea deháleamos arena mii buktá doaimmaid, searvama ja eaiggátvuođa ássanbáikái. Dat dagaha ahte olbmot servet iežaset servodahkii. Go mii ovttas ráhkadit juoidá, de mii aktiviseret olbmuid ja servodat ealáska. Almmá kultuvrra haga servodat oađđá, dadjá Eva Lisa Robertsen, Kulturpilota beaivválaš jođiheaddji. 

Dál sáhtát ohcat kulturealáhusfoandda 

Konferánssas rahppojuvvui Finnmárkku kulturealáhusfoandda ohcanportála. Kulturealáhusfoanda galgá váikkuhit Finnmárkku kulturealáhusaid ovddideapmái, árvoháhkamii ja bargosajiide.

– Šielbmá galgá leat unni, muhto áigumušat sáhttet leat stuorrát, logai Egil Ørjan Thorsen, Finnmárkku fylkkagielddas earenoamášráđđeaddi, go muitalii foandda birra maŋŋebárgga.

Loga lasi kulturealáhusfoandda birra ja mo ohcat doarjaga fitnodahkasat Finnmárkku fylkkagieldda neahttasiidduin.

Cealkámušat ođđa kulturstrategiija ektui 

Marianne Pedersen,  Finnmárkku fylkkagieldda kultur- ja birashoavda, dajai ahte lea čielga áigumuš konferánssain:

– Háliidat ráhkadit deaivvadanbáikki viiddis kultursuorggi máhtojuohkima ja ovttasbarggu várás.

Konferánssas bukte oasseváldit cealkámušaid fylkkagieldda kultuvrra, valáštallama ja eaktodáhtolašvuođa strategiijabargui. Tore Fosse, Perleporten kulturvistti buvttadeaddji, háliida ahte kulturoassádallit geavahuvvojit aktiivvalaččat strategiijabarggus:

– Mis leat mearehis ollu kulturoassádallit miehtá Finnmárkku gielddaid, dievva kreatiivvalaš fámuiguin. Geavat sin, gáibit ja movttiidahte. Geavat olbmuid, ja ráhkat bajilčála ja nama dan bargui mii áŋgiruššá ja buktá eaiggátvuođa strategiijii. 

Cealkámušat váldojuvvojit mielde viidáset bargui strategiijain, mii plána mielde galgá mearriduvvot fylkkadikkis juovlamánus 2026:s. 

Háliidat go oaidnit olles prográmma? 

Konferánssa neahttasiidduin gávnnat Kulturkonferánssa 2025 buot beivviid prográmma.