Vuosttaš beaivve fylkkadikki juovlamánočoahkkaneamis oaččui Hilde Wara Finnmárkku fylkkagieldda Johtolatsihkkarvuođabálkkašupmi 2025.
Vuollelis artihkkalis oainnat vuođuštusaid maid evttoheaddjit bukte. Wara evttohuvvui guktii.
Oaččui bálkkašumi go lea bidjan bálgá Guovžajávrris Håbeth:ii
Wara lea badjel logi jagi bargan váibbakeahttá dainna ahte oažžut sihkkaris geainnu dipma johtaleaddjiide gaskal Guovžajávrri ja Håbeth. Iđii čielga dárbu erenoamážit maŋŋil go ođđa skuvla huksejuvvui gaskal Guovžajávrri ja Goađaka, ja Håbeth ohppiid skuvlageaidnu meroštallojuvvui erenoamáš váralažžan. Váilevaš dorvvolaš fálaldat lea guhká ráddjen ássiid mobiliserema.
Wara lea lokten ášši čoahkkimiid, báikediđoštallamiid ja gulahallama bokte geaidnoeaiggádiin, ja lea árvalan máŋga vejolaš čovdosa. Go šattai čielggas ahte almmolaš ruhta ii sáhttán vuoruhuvvot, de son bijai johtui barggu háhkat olggobeale ruhtadeami dasa ahte álbmogassii čađahit barggu.
Bálggis galgá gárvánit geasi mielde
Terje Hansen (FrP) go juolludii dán jagáš johtolatsihkkarvuođabálkkašumi, juolvamánu 9. b 2025.
Sunniva Tønsberg Gaski/FFK
Bálgá huksen álggahuvvui giđa 2025 ja galgá gárvánit geasi 2026 mielde. Čavčča 2026 rájes sáhttet Håbeth ássit oadjebasat beassat skuvlii, astoáiggedoaimmaide, ealáhusaide ja eará almmolaš huksehusaide gaskal Håbeth – Guovžajávrri – Goađak - Hesseng – Girkonjárgga.
– Wara áŋgiruššan mearkkaša issoras olu Håbeth ássiide sihke johtolatsihkkarvođa, mobilitehta ja ássanmiela ektui. Dan dihte son duođaid ánssáša oažžut Finnmárkku fylkka johtolatsihkkarvuođabálkkašumi 2025, dajai Terje Hansen (FrP), Johtalusa váldolávdegotti (HUS) jođiheaddji.
Johtolatsihkkarvuođabálkkašumi vuoiti oažžu 20.000 ruvnno.
Evttoheaddjiid vuođuštusat
1. «Hilde Wara lea máŋga jagi bargan váibbakeahttá dainna ahte duohtandahkat čovdosa vázziid ja sihkkelastiid várás Guovžajávrri ja Håbeth gaskka. Prošeakta lea ožžon ruhtadeami máŋgga sajis, ja olu bargojuvvo álbmogassii báikkálaš servodagas. Bargu lea jođus ja plánejuvvon gárvvistuvvot 2026:s. Dát bargu buktá sihkkaris bálgá dipma johtaleadjjiide gaskal Håbeth, Guovžajávrri ja skuvlla 9910.»
2. «Hilde orru Håbethas, mii lea Guovžajávrri lahka Mátta-Várjjaga gielddas. Hilde lea guhká rahčan dan ala ahte dán guovllu mánát ja nuorat galget oažžut oadjebas skuvlageainnu beaivet ja eahkes. Son lea lágidan veahkkálasbargguid, čohkken ruđa ja fidnen ollu báikkálaš entreprenevrraid ja fitnodagaid nuvttá veahkehit! Son lea njunnošis go dál fargga oažžut dorvvolaš biillahis geainnu.»
-
Johtolatsihkkarvuođabálkkašupmi lea oassin fylkkagieldda barggus ahte eastadit johtolatlihkuhisvuođaid ja ovddidit dorvvolaš birrasa buot johtaleaddjiide. Fylkkagielda háliida loktet buori álggahemiid ja buollisearaid dainna ulbmiliin ahte movttidahttit johtolatsihkkarvuođa áŋgiruššama miehtá regiovnna.