Birasdirektoráhta lea rahpan ohcamušaid golbma iešguđetlágan doarjjaortnegiidda jagi 2026 várás - gos leat vejolašvuođat sihke eaktodáhtolaš organisašuvnnaide ja gielddaide/suohkaniidda.
Doarjja olgunastinbuđaldeapmái
Dál lea vejolaš ohcat doarjaga olgunastinbuđaldeapmái (kap 1420 post 78) Elektrovnnalaš ohcanguovddáža (ESS) bokte.
Ortnega ulbmil lea lasihit álbmoga buot joavkkuid oassálastima dearvvasvuođaovddideaddji, čálgodahkki ja birasseasti olgunastimii - deattuhat erenoamážit vuoruhuvvon joavkkuid.
- Birasdirektoráhta ohcanáigemearri: skábmamánu 20. b 2025
- Fylkkagielddaid ohcanáigemearri: juovlamánu 1. b 2025
Gávnnat lasi dieđuid ja ohcanskovi Birasdirektoráhtas: Tilskudd til friluftslivsaktivitet (kap. 1420 post 78) - Søknadssenter
Doarjja doaibmabijuide stáhtalaččat váfistuvvon olgunastinguovlluide
Ohcanskovvi doaibmabijuide stáhtalaččat váfistuvvon olgunastinguovlluin ja guovlluin váfistuvvon markaloven olis lea maid rabas.
Ortnega ulbmil lea ovddidit olgunastima birasseasti heiveheami ja dikšuma bokte, nu ahte šaddá geasuheaddji ja beasatlaš álbmogii. Ortnet gusto sihke stáhtalaččat váfistuvvon olgunastinguovlluide ja guovlluide mat leat váfistuvvon “markaloven” olis.
Bare kommuner og interkommunale friluftsråd med lokalt forvaltningsansvar kan søke om midler på denne tilskuddsposten. Duššefal gielddat/suohkanat ja gielddaidgaskasaš olgunastinráđit sáhttet ohcat ruđa dán doarjjapoasttas.
- Ohcanáigemearri: Juovlamánu 1. b 2025
- Sádde ohcamuša Birasdirektoráhta ohcanguovddáža bokte.
Gávnnat lasi dieđuid ja ohcanskovi Birasdirektoráhtas: Tilskudd til tiltak i statlig sikret friluftslivsområde (kap. 1420 post 78) - Søknadssenter
Doarjja fuođđodoaibmabijuide
Doarjjaortnet galgá leat mielde váikkuheamen dakkár hálddašeapmái gos fuođđuin báhcá bivdinveara liigi ja mii áimmahuššá luonddu buvttadanmuni ja valljivuođa. Dán rámma siskkobealde galgá ortnet láhčit dilálašvuođaid rekrutteremii ja árvoháhkamii dan vuođul ahte bivdu lea oassin olgunastimis. Sihke eaktodáhtolaš organisašuvnnat, ásahusat, gielddat/suohkanat ja ovttaskas olbmot sáhttet ohcat doarjaga.
- Ohcanáigemearri: Juovlamánu 1. b 2025
- Sádde ohcamuša Birasdirektoráhta ohcanguovddáža bokte.
Gávnnat lasi dieđuid ja ohcanskovi Birasdirektoráhtas: Tilskudd til vilttiltak
Finnmárkku fylkkagielda hálddaša buot golbma doarjjaortnegiid.
Leat máŋga vejolašvuođa
Juogu barggat gielddas/suohkanis, olgunastinráđis dahje eaktodáhtolaš organisašuvnnas - dáinna dus lea vejolašvuohta nannet olgunastima ja luonddufálaldaga doppe gos orut. Várre áiggi dasa ahte ohcat, ja váikkut dasa ahte eambbosat besset luonddu návddašit jagis 2026!
Birasdirektoráhta lea rahpan ohcama máŋga doarjjaortnegiidda mat sáhttet váikkuhit buriid doaibmabijuide luonddu ja olgunastima várás.
Dás gávnnat lasi doarjjaortnegiid olgunastima, luonddu ja luonddudivodeami várás: