Gelbbolašvuođa váldolávdegotti jođiheaddji, Raymond Robertsen (H).
Karoline Almås Sørensen/FFK
– Fylkkadiggi mearridedje sierra regionála girjerádjopolitihka Finnmárkui, mii maid galgá nannet gielddaid ja álbmotgirjerájuid barggu, dadjá váldolávdegotti jođiheaddji Raymond Robertsen (H).
Servodatrolla
– Mun vuohtán ahte lea stuorra beroštupmi dán plána bargui. Girjerájuin lea dehálaš rolla máhttu, reflekšuvnna ja servodatdigáštallama ektui, ja lea dehálaš demokratiijaovddideapmái ja rivttes dieđuid juohkkimii. Mii áigut bargat ain viidáset buriid rammaeavttuid olaheamis Finnmárkku girjerájuin, earret eará gáiddusluoikama, dadjá son.
Plána gokčá girjerájuid rolla dehálaš servodatásahussan ja mo dat váikkuhit lohkankultuvrrii, máhtolašvuhtii ja kulturgaskkusteapmái báikegottiin.
Geahča mearrádusa ja regionála girjerádjoplána dás
Veahkeha buoret eallima dagahit
Doaivvaáigumuš lea ahte buorit girjerájut dagahit buori eallima Finnmárkkus. Mii leat bidjan njeallje váldomihtomeriid olahan dihtii dan.
- Buorit rámmaeavttut: Girjerájuin galget leat buorit rahpanáiggit - maiddái olggobealde kantuvraáiggi -, guovddáš sajusteapmi ja dat galget leat universálalaččat hábmejuvvon
- Buorit báikkálaš deaivvadanbáikkit: Girjerájut galget leat báikkit gos sáhttá earáid deaivvadit, ovddidit ovttaidahttima ja fátmmasteami, ja addit saji hutkkálaš searvevuhtii
- Máhtolašvuođa ja oahppama gaskkusteapmi: Girjerájut galget ovddidit lohkankultuvrra ja eallinguhkkosaš oahppama, váikkuhit diehtogelbbolašvuhtii ja gáldokritihkkii, ja ovddidit digitála gelbbolašvuođa
- Kultuvrra ja girjjálašvuođa gaskkusteapmi: Girjerájut galget ovddidit lohkanhálu, oainnusmahttit guovllu girjjálašvuođa, ja váldit oasi soabadanbarggus
Plána čuovvolat doaibmaprográmmain (PDF, 261 kB) mii čilge konkrehta doaibmabijuid ja geas lea ovddasvástádus daid čađahit.
Fylkkadiggi lea ovttajienalaččat mearridan Regionála girjerádjoplána ja doaibmaprográmma.
FFK
Sámegillii ođasmahttojuvvon 19.08.2025 | Samisk versjon oppdatert 19.08.2025