Fylkkalávdegotti 13 miellahtu. Bjarne Riesto

Fylkkalávdegoddi čoahkkana Čáhcesullos skábmamánu 11. b. dáinna áššelisttuin. Fylkkagielddadirektevra álggahii diehtojuohkimiin boahttevaš njeallje jagi bušeahtta- ja ekonomiijaplána birra. Evttohuvvo dan áigodagas investeret 2700 miljovnna kruvnno Finnmárkus. 
 

Álggus fylkkalávdegoddi

Fylkkagieldda bušeahtta- ja ekonomiijaplána álmmuhuvvo dábálaš vuogi mielde buori áiggis ovdal go fylkkalávdegoddi meannuda ášši. Go doppe leat mearridan, de manná ášši fylkkadiggečoahkkimii juovlamánus loahpalaš mearrideapmái.

Joavkobarggus jođus; Elin Mathisen (SG), Linda Beate Randal (Bb) ja Hallgeir Strifeldt (Ruoksat). Trond Magne Henriksen

(Fuomáš; loahpalaš mearrádus oktan vejolaš lassi- ja rievdadusevttohusaiguin biddjojuvvojit dađistaga liŋkkaide).

Nubbi siisa ja nubbi olggos

Lávdegoddi válljii ođđa várrelahtuid fylkkadiggái: Fylkkaválgastivrra ođđa válgaloahpparehkenastimis fylkkadiggeválgga 2023 oktavuođas šaddá Jørn Larssen (1969) ođđa várrelahttun nr. 10 ja Helene Marie Erlandsen ođđa várrelahttun nr. 11 Bargiidbellodaga ovddas. Seammás gizzu Remi Morten Strand ođđa várrelahttun nr. 6, Thorbjørn Jungård ođđa várrelahttun nr. 7, Kim Are Walsøe ođđa várrelahttun nr. 8 ja Ragnhild Vassvik ođđa várrelahttun nr. 9. ja ođđa áirasin fylkkadiggái.

Maŋŋel go Andrine Klausen Simonsen (Bb) lea fárren eret Finnmárkkus, de válljejuvvui su sadjásažžan.

Finnmárkkufoandda ruhta

Lasi ruhta Finnmárkkufondii ja ruhtajuolludeapmi ohcciide seamma foanddas meannuduvvui maiddái. Ungdomsfiske i Vardø (Várggáid nuoraidguolásteapmi) sáhttet dál illudit ruhtadoarjaga oažžut. 

Nuppástuhttin Guovdageainnus

Fylkkalávdegoddi mearridii guhkidit nuppástuhttinprográmma Guovdageainnu suohkanis 2026 loahpa rádjai. Sivvan dasa go suohkan háliida guhkidit prográmmaáigodaga, lea ahte dán rádjái lea báhcán ruhta prográmmaáigodagas sullii 5,1 miljovnna kruvnno. 

Mearrádus rievdaduvvoi

Lakseklyngen AS oažžu dattetge doarjaga maŋŋil go vuos ožžo biehttaleami: Fylkkalávdegoddi mieđiha váidaga, ja doarjjaohcan mii lea 50% prošeavtta ollislaš árvvus mieđihuvvo. Supmi mii juolluduvvo lea 806 500 ruvnno.

Doarjja guolásteaddjái

Finnmárkku fylkkagielda juolluda giitta 400 000 ruvnnosaš loana Hansen Fiskerikompani AS:ii, Báhcavuonas. Sander Nicolai Hansen Pedersen investere fatnasii “Dønningen Senior” LK 6018.

Gulaskuddan oassálastiláhkaásahus

Fylkkalávdegoddi mearridii gulaskuddancealkámušas “deltakerforskriften” (oassálastiláhkaásahus) birra, mas lea sáhka earret eará gonagasreabbás, báldás ja eará guolástanfanas-gullevaš áššiin. 

Finnmárkku čáhceregiovdna ja Deanu, Njávdáma ja Báhčaveaji čáhceregiovdna 2028-2033 

Fylkkalávdegoddi mearrida Finnmárkku čáhceregiovnna plánaprográmma ja váldohástalusaid ja Deanu, Njávdáma ja Báhčaveaji čáhceregiovnnaid. Fylkkalávdegoddi galgá meannudit ođasmahttojuvvon čáhcehálddašanplánaid evttohusa oktan doaibmabidjo- ja doaibmaprográmmain 2028 - 2033, ja sáddet daid almmolaš gulaskuddamii ovdal skábmamánu 1. b. 2026. 

Ronny Berg ja Line Kalak evttohuvvuiga

Ráđđehus áigu buoridit geatnegasvuođavuogádaga guolástusealáhusas, ja lea mearridan nammadit beliidgaskasaš lávdegotti mii galgá geahčadit vuogádaga. Finnmárkku fylkkagielda lea bovdejuvvon evttohit ovtta lahtu lávdegoddái - ja ovtta goabbáge sohkabealis vuoruhuvvon vuoru mielde: Ronny Berg ja Line Kalak evttohuvvuiga.

Boahtte čoahkkin juovlamánus

Dán jagi maŋimuš fylkkalávdegoddi lea juovlamánu 8. b, ja fylkkadiggi ges čuovvuvaš golbma beivviid dan maŋŋá - dat maiddái fylkkavisttis Čáhcesullos. 

Sámegillii ođasmahttojuvvon 12.11.2025 dii. 11:09 | Samisk versjon oppdatert 12.11.2025 kl. 11:09