Fylkkasátnejođiheaddji Hans-Jacob Bønå (O) ja Kjersti Vevstad, gii virgáduvvui fylkkagieldadirektevran fylkkadikki erenoamáščoahkkimis Hámmárfeastta, duorastaga borgemánu 28. beaivvi. Vevstad álgá virgái ođđajagemánu 1. b. 2026. Trond Magne Henriksen

Ovttajienalaš fylkkadiggi mearridii virgádit Kjersti Vevstad Finnmárkku ođđa fylkkagieldadirektevran. Dat dáhpáhuvai fylkkadikki erenoamáščoahkkimis Hámmárfeasttas duorastaga borgemánu 28. beaivvi.

– Lean hui duhtavaš go mii dál olaheimmet virgáibidjama, dadjá fylkkasátnejođiheaddji Hans-Jacob Bønå (O).

– Vevstad:ain Finnmárkku fylkkagielda oažžu njunušjođiheaddji geas lea viiddis vásáhus, strategalaš áddejupmi ja alla čađahannákca, lasiha son.

Illuda

– Ollu giitu luohttámušas. Mun duođai illudan dán bargui. Mun válddán dán barggu vuostá stuorra gutniin – sihke organisašuvdnii, min politihkkáriidda ja maiddái Finnmárkku servodahkii, dadjá Vevstad kommentáras mii almmuhuvvui dalá maŋŋá go mearrádus dahkkui.

Kjersti Vevstad (54) lea leamaš njunušjođiheaddjin sihke dearvvašvuođa-, bajásšaddan- ja servodatovdánahttinsuorggis. Sus lea jođiheami master ja pedagogihkka master, ja vuođđooahppu adjunktan Oslo Universitehtas.  Vevstad bargá dál Davvi Follo gielddas ja boahtá ođđa bargosadjásis Čáhcesullos ođđajagimánu 1. b 2026.

Beroštupmi Finnmárkku rollii

Son lea ovdal dadjan ahte su mokta ohcat Finnmárkku fylkkagieldadirektevrra virgái lea čielgasit vuođđuduvvon servodatberoštupmái ja guovllu rollii Norggas: 

– Finnmárkkus lea erenoamáš sadji min riikkas. Lea guovlu mas leat stuorra vejolašvuođat, čielga identitehta ja nationála mearkkašupmi. Lea movttiidahtti beassat oppalaš ovdáneapmái váikkuhit, buriid bálvalusaid ássiide oččodit - ja nanu ovttasdoaimma gaskal politihka, fágaid ja báikegottiid, dadjá Vevstad. 

Son čujuhii maiddái dasa man dehálaš ovttasbargu lea jođihanfápmun ovdáneapmái:

– Mus lea doaivu dakkár jođiheapmái mii lea oidnosis, guldala ja lea čielga. Fylkkagielddadirektevran háliidan láhčit dili viiddis searvamii, guhkesáigeplánemii, ja lágas ovttasdoibmii politihka, hálddašeami ja báikegottiid gaskal. Mu vásáhus lea ahte buot buoremus čovdosat ihtet go mii loktet fárrolaga - fágaid, dásiid ja beroštumiid doarrás. 

Sámegillii ođasmahttojuvvon 28.08.2025 | Samisk versjon oppdatert 28.08.2026