Hárrejoga šaldi lea bálvalan johtolaga 1950 rájes, muhto lea menddo gárži ja ii gierdda dálá dulvadan gáibádusaid. Ođđa 25 mehter guhkkodat šaldi – mas eai leat geađgejuolggit jogas – vuoruhuvvo vuosttažin geaidnoprošeavttas. Sunniva Tønsberg Gaski/FFK

Plánaevttohus fátmmasta 11 kilomehtera gaskal Riitakuru ja Ruoksadasnjárgga, mas álgu lea sullii 17 kilomehter davábeal Deanušalddi. Áigemearri buktit cealkámušaid lea gaskavahku miessemánu 20. beaivvi 2026. 

Boares geaidnu ja šaldi dárbbašit ođasmahttima 

Geainnus leat stuorra vahát go lea guhkes áigge badjel njiedjan eahpedássedit, ja Hárrejoga šaldi mii lea jagis 1950 lea menddo gárži otná johtolahkii ja ii deavdde eavttuid dulvegieđahallamii. Geaidnogaska lea dehálaš mearrabiebmu fievrrideapmái Bearralvági ja Báhcavuona guolástanhápmaniin, ja divodeapmi galgá buktit buoret beasatlašvuođa ja johtolatsihkarvuođa buot mátkkošteddjiide. 

Ulbmil lea govddidit geainnu 5,7 mehteris 6,5 mehterii, heivehit geainnu hámi buorebut eanadahkii ja molsut Hárrejoga šalddi ođđa šalddiin mas measta duppal guhkodat. Ođđa šaldi lea vuoruhuvvon vuosttaš huksenceahkkin. 

Ruoksadasvári bokte davvin plánejuvvo ođđa luoddalinnjá, ja reasta ges galgá čuovvut otná geainnu dušše veaháš muddemiin. Geaidnu galgá heivehuvvot stuorra guorbmebiillaide ja tráilariidda.

Sturrodat, duođaštus ja cealkámušat 

Plánaguovllu sturrodat lea sullii 700 dekára ja guoská 101 gittaopmodagaide, sihke viiddodeami geažil ja areáladárbbu geažil huksema oktavuođas. Leat ráhkaduvvon máŋga fágaraportta luondduvalljivuođa, vuođdodili, uđasvára, dulvvi ja eanadoallováikkuhusaid birra. 

Buot plánadokumeanttaid, fágaraporttaid ja gulahallandieđuid buktit cealkámušaid gávnnat min neahttasiiddus: Gulaskuddan: Bienalaš mudden FV890 Riitakuru – Ruoksadasnjárga Deanu gielddas, ja vel Deanu gieldda neahttasiiddus.