Raymond Robertsen (O), Gelbbolašvuođa váldolávdegotti jođiheaddji. Karoline Almås Sørensen

Foanda lea ođđa ortnet mii galgá addit ámmátlaš ja eaktodáhtolaš kulturoassádalliide doarjaga hutkat, bálkáhit ja nannet kulturfálaldaga doppe gos olbmot orrot. Ruđat galget veahkehit nannet ja ovddidit kulturbirrasiid miehtá Finnmárkku.

–  Dát lea stuorra beaivi Finnmárkku kultureallimii, lohká Raymond Robertsen (O), Gelbbolašvuođa váldolávdegotti jođiheaddji.

–  Mii diehtit man dehálaš lea kultuvra mii čohkke, geasuha ja dagaha identitehta. Dál mii addit kultuvrii buoret eavttuid olahit olbmuid miehtá fylkka – beroškeahttá gos orrot, makkár duogáš sis lea dahje makkár agis leat. Ii leat dušše ruhtadoarjaga birra sáhka –  lea sáhka addimis kultuvrii dan saji maid dat ánssáša ealli ja fátmmasteaddji Finnmárkku ovddideamis, dadjá Robertsen.

Ođđa vejolašvuođat oažžut doarjaga

Njuolggadusat deattuhit geográfalaš viidodaga, girjáivuođa ja báikkálaš gullevašvuođa. Mihttomearri lea ahte olles Finnmárku galgá beassat searvat áŋgiruššamii, ja ahte sihke ásahuvvon institušuvnnat ja ođđa vuolggaheamit ožžot vejolašvuođa oažžut doarjaga. Ruđat galget juhkojuvvot rabas ohcanvejolašvuođaid bokte, ja lea vejolaš ohcat daid sihke ovttaskas dáiddáriidda, organisašuvnnaide ja ásahusaide.

Juhkojuvvon guovtti doarjjaortnegii 

Olahan dihte nu ollugiid go vejolaš, de lea Finnmárkku Regionála kulturfoanda juhkkojuvvon guovtti doarjjaortnegii. Finnmárkku Regionála kulturfoanda: Doarjja ovddidanprošeavttaide ja Finnmárkku Regionála kulturfoanda: Doarjja smávit dáidda- ja kulturdoaibmabijuide.

2025:as lea goappašiid ortnegiid ohcanáigemearri golggotmánu 1. b.

Loga eanet doarjjaortnegiid birra ja mot don ozat