Raymond Robertsen (O) jođiha gelbbolašvuođa váldolávdegotti. Chand Deep Kardey

– Finnmárku lea ovdavázzi digitaliserenbarggus, ja mii áigut vel buoret šaddat. DIGI2030 lea Finnmárkku fylkkagieldda áŋgiruššan váldit beaktilis rolla láidesteaddjin, dadjá Raymond Robertsen (O), gelbbolašvuođa váldolávdegotti jođiheaddji.

DIGI2030 bargu

– Giđa mielde 2025 mii leat sagastallan máŋga ealáhusoassádalliiguin, eaktodáhtolaččaiguin ja gielddaiguin. Mii leat guldalan sin vásáhusaid digitaliserenbargguin, ja makkár vejolašvuođaid ja hástalusaid sii oidnet fylkkagieldda láidesteaddjirolla ektui, dadjá Kari Lene Olsen, olgguldas DIGI2030 prošeaktajođiheaddji.

Ođđa strategiija

Finnmárkku lea ovdavázzi digitaliseremis máŋga suorggis, ja gávdno olu man vuođul joatkkit barggu. Eambbo ja jierpmáleabbo digitaliseren sáhttá veahkkin midjiide čoavdit servodathástalusaid boahtteáiggis: Man láhkai láhčit dili lassáneapmái ja ealáhusovddideapmái? Man láhkai birgehallat veahkadatovdánemiin? Man láhkai nannet gearggusvuođa? Ja man láhkai sihkarastit ollislaš ovdáneami, váikko leat stuorra gaskkat olbmos olbmui ja báikkis báikái?

Dát lea duogáš go čakčat 2025 biddjo strategiija DIGI2030 oktavuođas. Das boahtá ovdan man láhkai vuoruheapmi galgá ásahuvvot, ja makkár rolla Finnmárkku fylkkagielda galgá váldit vai lea eanemus ávkin digitaliseremis. Jagi 2026 álggahit barggu ođđa strategiija olis. 

– DIGI2030 lea dál dan muttos ahte galgat válljet muhtun fáttáid ja vejolašvuođaid maid mii de suokkardit eambbo, loahpaha Olsen.

Gurut beales: Siri Moe Megaard Halogen:is, oktan DIGI2030 prošeaktajođiheaddjiin Kari Lene Olsen, ja Bente Meen, maiddái Halogen:is. Julie Hoel/FFK