Goappaš fylkkagieldda bukte gulaskuddanvástádusa viiddis doarjagiin fylkkadikkiin. 

Fertet heivehit njuolggadusaid báikkálaš dilálašvuođaide

Dehálaš áigumuš sáttagottis lei gaskkustit davviguovllu olbmuid eallinvuogi, ja skohter- ja ATV-vuodjima mearkkašumi olgonastimii ja kultuvrii. 

– Skohter- ja ATV-vuodjin lea dehálaš oassi olgonastimis ja kultuvrras davvin. Mii fuolahit luonddu dan ávkkástallama bokte, dadjá Thomas Arild Mølmann (NKF). 

Politihkkárat deattuhedje maid ahte njuolggadusaid ferte heivehit báikkálaš dilálašvuođaide. 

– Olgonastin ja meahcásteapmi lea min operaviessu ja “Oslovuotna”. Lea stuorra erohusat davvin ja máddin gaskka min riikkas, ja njuolggadusaid heivehit báikkálaš diliide gáibida addit eanet iešstivrejumi gielddaide, dadjá Kristin Rajala (Bb). 

Čuovvut ášši Stuorradikkis

Čoahkkin stáhtaráđiin lei olmmošaddjái ja čoavddusáŋgir, ja buot bealit ledje duhtavaččat sagastallamiin. 

Finnmárkku fylkkagielda čuovvu ášši meannudeami Stuoradikkis dárkilit, ja áigut maid oassálastit komitea gulaskuddamii cuoŋománu 27. b. Dasa lassin oasit stuorradiggejoavkkus čoahkkinaste Guovddášbellodagain, Bargiidbellodagain ja Ovddádusbellodagain. 

Sáttagottis ledje Cecilie Mathisen (Romssa Olgeš), Eirik Losnegaard Mevik (Romssa Bargiidbellodat), Kristin Rajala (Finnmárkku Bargiidbellodat) ja Thomas Arild Mølmann (Finnmárkku Nordkalottfolket). 

Loga Finnmárkku fylkkagieldda gulaskuddancealkámuša OpenGov:as.