Johtalusossodaga huksenjuhkosa prošeaktajođiheaddji, Sveinung Meyer Svendsen, ja Glenn Wersland, Supercharge AS prošeaktajođiheaddji. Jørgen Sørensen/Connect Bus AS

Álttá ođđa bussedepohta, mas lea sadji 39 bussiide, bássan- ja bálvalushálla, ja birasseasti hábmen, lea heivehuvvon ođđaáigásaš bussedoibmii.

– Connect bus Norge AS leat rámis go viimmat lea ođđa- ja boahtteáigásaš bussedepohta sajis. Ođđa huksehus buktá sihke bussevuoddjiide ja doaibmabargiide buoret bargoárgabeaivvi. Dát áddá midjiide vel buoret vejolašvuođa doaimmahit beaktilis, oadjebas ja birasseasti kollektiivafievrrideami Finnmárkku ássiide, dadjá Jarle Rodahl, Connect Bus AS:a davviguovlodirektevra. 

Investeren bistevaš infrastruktuvrii 

Bussedepohta lea bierggastuvvon láddeninfrastruktuvrrain 12 el-bussiide. Álttá gávpotbussefálaldat doaimmahuvvo dalle 100 proseantta el-bussaiguin! Lea dehálaš lávki guoddevaš fievrridansuorggi guvlui Finnmárkku fylkkagieldda bealis. 

–Lea dehálaš lávki dan guvlui ahte sihkkarastit stáđis ja ođđaáigásaš kollektiivadoaimma Oarje-Finnmárkkus. Buorre bussedepohta ii leat dušše huksehus - lea vuođđun beaivválaš doibmii, juohke beaivve, birra jagi, dadjá Terje Hansen (FrP), johtalusa váldolávdegotti (HUS) jođiheaddji. 

Álttá bussedepohta birra

• Sadji 39 stuorra bussiide
• Šiehtadus 37 bussiiguin
• Bassanhálla 
• Guokte bálvalushálla divodemiid várás
• Láddeninfrastruktuvrra 12 el-bussiide
• Huksejuvvon birasseasti ávdnasiiguin - 100 % beahci mii lea vuidojuvvon ruovdevitrolain

Biras ja guoddevašvuohta lei guovddážis depohta huksemis. Julggabealávdnasis lea vuollegis CO₂-luoitin ja boahtá dohkkehuvvon ceavzilis vuovdedoalus (PEFC- dahje FSC-stándard).

Huksenhoavda/entreprenevra: PEAB (Bjørn Bygg AS) AS

Hukseheaddji áittardeaddji: Rambøll

Láddeninfrastruktuvrra lágideaddji: Supercharge AS