Doarjjaortnet galgá ovddidit festivála fágalaš ja kultuvrralaš deaivvadanbáikin, ja nannet festivála gaskkusteami profešuneala arenan ja dáidda ja kultuvra vásáhusaid main lea alla dássi:

Festiválat mat ovdanbuktet dáidda- ja čájehanvuogi gehččiide ovtta dahje moadde dáiddašlája siskkobealde, ovdamearka dihte musihkka, lávdedáidda, filbma, girjjálašvuođa, visuála dáidda ja giehtadáidda.

• Festiválat main lea prográmma mas leat báikkálaš / guvllolaš buvttadeamit / oassádallit.
• Festiválat mat láhčet dáidda- ja kulturvásáhusa eatnašiidda.
• Festiválat mat gaskkustit dáidaga ja kultuvrra mánáide ja nuoraide.
• Festiválat mat ovddidit girjáivuođa ja searvadahttet iežaset barggus.

• Festiválaid mat bistet goit guokte beaivve.
• Festiválas main lea guvllolaš fátmmastanguovlu.
• Festivála mii lágideaddjigielddas oažžu doarjaga.
• Lea vejolaš ohcat ovtta jahkái dahje golmma jahkái doarjaga. Ohccit geat ožžot golmma jahkái doarjaga fertejit jahkásaččat sáddet ohcamuša ja raportta vai doarjja máksu.
• Eaktun doarjagii leat ahte festivála dohkkeha mielčuovvuduođaštusa, ja ahte festivála buot buoremus lági mielde geahččala doaluid heivehit buohkaide.
• Festiválas galgá leat áigeráddjehus ja čađahuvvot ohcamuša mielde ja eavttuid ektui ja leat áigemeriid mielde mat leat doarjjalohpádusreive mielde.

Váldo álohii vuhtii gustovaš politihkalaš vuoruhemiide kultursuorggi siskkobealde, ja ohcamušat leat muttolaš daid vuoruhemiid mielde árvvoštallojuvvon.

• Ohccin sáhttet leat iešguđet lágan organisašuvdnahámit, muhto ferte leat iežas organisašuvdnanummar.
• Ii leat vejolaš váldit bálká doaimmain dahje prošeavttain mat ožžot doarjaga dán ortnega mielde.

Doarjjaortnegis lea juohke jagi ohcanáigi juovlamánu 1.b., ja ohcamuš ferte leat registrerejuvvon ovdal go diibmu lea 24:00.

2024 ohcanáigemearri lei juovlamánu 1.b. 2023.

Ferte geavahit elektronalaš ohcanskovi, ohcamušat mat eat lean dan hámis eai meannuduvvo. Skovvi jearrá čuovvovaš dieđuid:

• Ohcci nama, čujuhusa ja organisašuvdnanummara
• Dieđuid gulahallanolbmos, e-poastačujuhusa ja telefovdnanummira.
• Dieđuid doaibma birra; ulbmil/mihttomearri ja organisašuvdnahápmi
• Ulbmiljoavkku govvádus ja fátmmastanguovlu
• Prográmmadieđut / prošeaktačilgehus doaimmain mat galget čađahuvvot.
• Dáhto goas festivála čađahuvvo
• Vejolaš ovttasbargoguoimmit
• Spesifiseren ohcamušsubmi, man olu lea fylkkagildii ja man olu lea lágideaddjigildii
• Detálljabušeahtta ja ruhtadanplána

Bušeahtta, ruhtadanplána ja prográmma-/prošeaktačilgehus bidjá sierra mielddusin ohcamuššii.

Loga njuolggadusaid ovdal go deavdigoađát skovi.

Ohcanskovvi šaddá almmusin sullii mánu ovdal ohcanáigemeari.

Ollislaš lohpádus máksin maŋŋel go dohkálaš mearrádus lea addon. Ohcci geasa juolluduvvo stipeanda, galgá sáddet fáktura fylkkagildii maŋŋilgo mearrádusreivve lea vuostáváldán.

Loga mo sáddet fáktura dáppe

Jus juolludan ruhtadeapmi ii geavahuvvo ohcamuša mielde ja daid njuolggadusaid ruhtadeapmi lea juolluduvvon, sáhttá lohpádus gessot ja mákson ruhtadeapmi gáibiduvvo ruovttoluottamáksit.

Olles doaibma / doalut fertejit leat mielde raporttas. Raporttas galgá boahtit ovdan oppalaš árvvoštallan doaluid čađaheami birra ja boađusjuovssa, gehččiidlohku ferte dieđihuvvot, ja vejolaš spiehkasteamit ohcamuša ektui/álgoálgosaš plána ektui ja prográmma ferte leat mielde raporttas.

Doarjjaortnegis ii leat revišuvdna gáibádus, muhto rehketdollui fertejit guovttes geain lea ovddasvástádus doibmii masa lea lohpádus addon vuolláičállit. Rehketdoallu ferte leat seamma go dat mii leai ohcamušbušeahtas.

Golggotmánu 20.b. 2020 mearridii fylkkaráđđi doarjjaortnega njuolggadusaid.

Heikki Knutsen

Dáidda- ja kulturovdánahttin

Sádde e-poastta čujuhussii heikki.knutsen@ffk.no

Telefovdna Heikki Knutsen 78 96 30 03