Ná dieđihat:

Dieđit skuvllas álggus. Sagastala áinnas oktavuođaoahpaheaddjiin, dahje ohppiidbálvalusa bargiin, dahje váldde oktavuođa rektoriin. 

Sáhtát dieđihit njálmmálaččat, telefovnna dahje e-poastta bokte muhtin skuvlabargái.

Juohke skuvlabargis lea geatnegasvuohta váikkuhit skuvlabirrasii

Sihke oahppit ja bargit fertejit bargat buori skuvlabirrasa ovddas, muhto juohke bargis lea geatnegasvuohta váikkuhit ahte juohke oahppis lea oadjebas ja buorre skuvlabiras. Dat mearkkaša ahte jus rávesolmmoš skuvllas diehtá dahje jáhkká ahte muhtin oahppi givssiduvvo dahje ahte sus eará láhkai ii leat buorre dilli, de son galgá álo: 

• seaguhit iežas ja bissehit loavkideami dakkaviđe
• dieđihit rektorii
• guorahallat mii lea dáhpáhuvvan

Rektor galgá ráhkadit plána 

Rektoris lea ovddasvástádus ráhkadit plána ja álggahit doaibmabijuid vai dus šaddá oadjebas ja buorre dilli skuvllas.

• Dieđit skuvlii álggus. 
• Jus dus leat gažaldagat dahje vásihat váttis dili, de sáhtát váldit oktavuođa Finnmárkku givssidanáittardeaddjiin
• Dieđit stáhtahálddašeaddjái jus du mielas skuvla ii leat doarvái veahkkin: Romssa ja Finnmárkku stáhtahálddašeaddji. Berre vássit goitge vahku maŋŋá go dieđihat skuvlii ovdal go válddát oktavuođa stáhtahálddašeaddjiin. 

Lasi dieđut

• Láhka vuođđoskuvlaoahpahusa ja joatkkaoahpahusa birra  (oahpahusláhka) - 12. kapihtal Ohppiid skuvlabiras | Lovdata.no
• Loga lasi vuoigatvuođaid birra oadjebas ja buorre skuvlabirrasii udir.no:s

Sámegillii ođasmahttojuvvon: 28.08.2026
Samisk versjon oppdatert: 28.08.2026