Sisaváldinkaleanddar 2026

Ođđajagemánu 5. b

• Vigo.no rahpasa Finnmárkku ohcciide. Ohcci ferte beassat sisa Elektrovnnalaš ID:ain. Mana vigo.no:i.

Guovvamánu 2. b

• Ohcanáigemearri ohcciide guđet ohcet vuosttašrievtti, ovttaskas meannudeami, oahppokandidáhtan, dahje unnitlogugielagin. 

Njukčamánu 2. b

• Áigemearri ohcat dábálaš skuvla- dahje oahpposaji. 
• Áigemearri buktit amasgiela sávaldaga ja eará liigedieđuid vigo.no:s 
• Jus leat Finnmárkui fárremin de galggat dán bidjat liigediehtun vigo.no:s.
• Áigemearri dieđihit fylkkagildii jus leat fárremin ovtta sisaváldinguovllus nubbái Finnmárkku siskkobealde. Dieđit fárrema e-poastta bokte: inntak@ffk.no

Vahkku 22/23 (miessemánu/geassemánu)

• Ohccit vuosttašrivttiin ožžot vástádusa ohcamuššii vigo.no:s. Sáddejuvvo maid reivve juolluduvvon skuvlasaji birra ohccái. 

Geassemánu 15. b

• Áigemearri duođaštit plánejuvvon fárrema Finnmárkui. 
• Áigemearri duođaštit plánejuvvon fárrema gaskal Finnmárkku sisaváldinguovlluid.
  • Duođaštus sáhttá leat fárrendiehtu, váhnemiid ođđa bargodili duođaštus, ásodaga oastinduođaštus dahje sullasaš. Duođaštusa galggat sáddet eDialog bokte. 

Geassemánu 23. b

• Áigemearri dábálaš ohcciide vástidit ovddalgihtii ja rievdadit telefonnummira vigo.no:s. 

Vahkku 27/28 suoidnemánus

• Ohccit oahpporivttiin nuoraide ožžot vástádusa ohcamuššii vigo.no:s, maŋemusat suoidnemánu 14. b. Ohccit guđet leat mobilnummira bidjan vigo.no:ii ožžot dieđu go sisaváldin lea gearggus. Dát gusto maid unnitlogugielat ohcciide ja sidjiide guđet ožžot ovttaskas meannudeami. 

Vahkku 28/29 suoidnemánus 

• Áigemearri vástidit skuvlasaji dahje vuordinlistosaji fálaldahkii lea 5 bargobeaivvi maŋŋá go vuosttaš sisaváldin lea gearggus. Muitte bidjat iežat mobilnummira vigo.no:ii oažžun dihte SMS.

Vahkku 29/30 suoidnemánus

• Ohccit vuordinlisttus, guosseoahppit ja eará ohccit rávesolbmorivttiin ja oahpporievtti haga ožžot vástádusa ohcamuššii vigo.no:s. Sii guđet leat mobilnummira bidjan vigo.no:ii ožžot dieđu go sisaváldin lea gearggus.  

Vahkku 30/31 suoidnemánus 

• Áigemearri vástidit skuvlasaji ja vuordinlistosaji fálaldahkii lea 5 bargobeaivvi maŋŋá go nubbi sisaváldin lea gearggus. Muitte bidjat mobilnummira vigo.no:ii oažžun dihte SMS.

Vahkku 32 borgemánus

• Skuvllat váldet badjelassii sisaváldima. Skuvllat hálddašit visot sisaváldima ja vuordinlisttu rievdadusaid. 

Vahkku 32 borgemánus

• Skuvlaálgin borgemánu 17. beaivvi
• Fylkkagielda váldá oktavuođa oahpposajiohcciiguin guđet eai leat oahpposaji ožžon.

Borgemánu 31. b

• Dábálaš sisaváldin joatkkaoahpahussii nuoraide loahpahuvvo. 

Golggotmánu 1. b

• Gielddaid áigemearri sáddet dieđáhusskovi sisaváldima vuosttašrievtti birra, vrd. oahpahuslága láhkaásahusa § 4-21 ja § 4-22.

Gávnnat dieđáhusskovi fylkkagieldda skovveportálas:

• Dieđáhusskovvi ohppiide vuosttašrivttiin erenoamáš oahppoprográmmii
• Dieđáhusskovvi ohppiide garra doaibmahehttehusain guđet leat gergemin skuvlla

Skábmamánu 15. b

• Gulahallan oahpposajiiguin loahpahuvvo.

Sámegillii ođasmahttojuvvon 04.08.2026
Samisk versjon oppdatert 04.08.2026