Gii sáhttá ohcat?
Jus dus lea oahpporiekti iežat ruovttufylkkas, de sáhtát ohcat sisaváldima Finnmárkku fylkkagieldda skuvllaide rievddakeahttá iežat čujuhusa álbmotregistaris. Ohccit geat gullet Finnmárkku fylkii vuoruhuvvojit ja don beasat gilvalit saji jos lea báhcán rabas sadji oahppofálaldagas maid siđat.
Guosseoahppin ii leat dus vuoigatvuohta oažžut skuvlasaji. Finnmárkku fylkkagielda danne ávžžuha ohcat skuvlasaji iežat ruovttufylkkas seammás, dáhkidan dihte fálaldaga oažžut. Du ruovttufylka ovddasvástida du oahppovuoigatvuođa.
Vuoruhuvvon guosseoahppi
Don sáhtát ohcat juolluduvvot stáhtusa vuoruhuvvon guosseoahppin jus dus lea oahppovuoigatvuohta iežat ruovttufylkkas ja dus lea erenoamáš dárbu skuvlla vázzit Finnmárkkus. Fertet deavdit unnimusat ovtta eavttu:
- Erenoamáš pedagogalaš sivat
- Erenoamáš sosiála sivat
- Riekti oažžut sámegieloahpahusa dahje oahpahusa sámegillii ja fertet eará fylkii oažžun dihte dan oahpahusa
Vuoruhuvvon guosseoahppit vuoruhuvvojit dábálaš guosseohppiid ovddabeallai, muhto eai gilval skuvlasaji oažžut ovdal go Finnmárkku ohccit leat fálaldaga ožžon.
Ná ozat:
Sáddet ohcamušat vigo.no bokte válljedettiin «Ny søknad – søk i annet fylke». Áigemearri lea njukčamánu 1. beaivvi.
Jus ozat vuoruhuvvon guosseoahppin de fertet sáddet sierra ohcanskovi ja áššáiguoskevaš dokumentašuvnna. Dokumentašuvdna ferte duođaštit erenoamáš pedagogalaš dahje sosiála sivaid mat dahket ahte fertet Finnmárkkus skuvlla vázzit. Jus ozat vuoigatvuođa sámegiela oahpaheapmái geažil, de fertet dan duođaštit.
Vuoruhuvvon guosseoahppi ohcanskovvi
Maŋŋá go leat ohcan
Oaččut vástádusa ohcamuššii suoidnemánus. Jus leat registreren mobiilanummira Vigo:s, de oaččut teakstadieđu go sisaváldin lea gearggus.
Jus leat ohcan vuoruhuvvon guosseoahppin šaddat, de oaččut vástádusa elektrovnnalaš reivve bokte miessemánus. Dalle oaččut dušše diehtit leat go ožžon stáhtusa vuoruhuvvon guosskeoahppin vai ii. Skuvlaohcamuššii oaččut vástádusa suoidnemánus.
Sámegillii ođasmahttojuvvon: 14.08.2026
Samisk versjon oppdatert 14.08.2026