Gáibádusat bivdolobi oažžut
Go ohcá bivdinlobi, de gáibiduvvo ahte ohcci lea čađahan fuođđobáhčingeahččaleami, ja ahte lea buktán loahpparaportta mannan jagis, jus bivdis lei bivdinlohpi.
Oza bivdolobi
Ohcanskovvi jagi 2026 várás lea almmus gitta čakčamánu 30. beaivái. Ferte oažžut bivdolobi ovdal go beassá bivdit. Dan botta go ohcanskovvi lea rabas, lobit addojuvvojit automáhtalaččat oanehis áiggi siste juos lobi eavttut leat devdojuvvon. Bivdolobi ferte ohcat fylkkagieldda skovveportálas, gos lea baggu beassat sisa ID-portena bokte.
Dáppe gávnnat ohcanskovi
Earit ja bivdoáigodat jagi 2026
Tabealla lea ođasmahttojuvvon 27.01.2026
Go goddá njurjo
Goddojuvvon njurjuid galgá raporteret digitálalaččat, juogo skoviin fylkkagieldda skovveportála bokte dahje SMSa bokte. Skovvveportála gáibida sisabeassama ID-portena bokte.
Goddjuvvon njurjuid rapporterenskovvi
Rapporteren SMSa bokte
Go geavahat SMSa, geavat kodasáni SEL ja sádde nummirii 2229. Kodasáni maŋábeallai čálát dieđuid:
- goddima beaivemeari
- šlája
- gieldda
Ovdamearkka dihtii: SEL 12.9 Geađgenjuorjju Čáhcesuolu
Bivddu/gulaskuddangeatnegasvuođa čađaheapmi
Ovdal bivddu lea bivdi geatnegahttojuvvon gulaskuddat Finnmárkku fylkkagielddas, leatgo guovllu ollesearis šat eallit goddinláhkai. Fylkkagielda lea geatnegahttojuvvon orustahttit bivddu go ollesearri lea goddojuvvon.
Lea dušše lobálaš geavahit báhčinvearjju mas lea rihkkuhuvvon bissobiipu ja ammunišuvdna mas lea viidu luođđa ja meroštusárvu mii lea uhcimusat 2 700 jouvle (275 kilográmmamehtera) 9 grámmasaš luođaid várás 100 mehtera báhčinmuttus ja 2 200 juovle (225 kilográmmamehtera) 10 grámmasaš luođaid várás 100 mehtera báhčinmuttus.
Gáhttenguovlluin sáhttá leat gildojuvvon bivdit ja geavahit báhčinvearjjuid. Eanet dieđuid Finnmárkku gáhttenguovlluid birra oaččut go válddát oktavuođa Romssa ja Finnmárku stáhtahálddašeddjiin.
Dás gávnnat gáhttenguovlluid oppalašgeahčastaga
Raporteren
Buohkat fertejit buktit loahpparaportta beroškeahttá sállašis. Loahpparaporterenvejolašvuohta rahpasa 1.10.2026 sierra skovis, ja áigemearri buktit raportta lea 15.10.2026. Galgá buktit loahpparaportta fylkkagieldda skovveportála bokte.
FUOM. Skovvi ii leat almmus portálas ovdal golggotmánu 1. b.
Mana loahpparaporterenskovvái
Buot bivdit geain lea lohpi, ožžot muittuhusa golggotmánu 5. beaivvi ahte sii galget buktit loahpparaportta jus eai leat dan dahkan.
Jus bivdi ii sádde sisa raporterema bivddus, de sáhttá dát mielddisbuktit ahte ii beasa bivdit čuovvovaš jagi.
Sámegillii ođasmahttojuvvon: 09.01.2026
Samisk versjon oppdatert: 09.01.2026