Čáhceguovloeiseváldin galgá Finnmárkku fylkkagielda leat mielde buohtalastimin ja oktiiheiveheamen čáhcehálddašeami ja areálageavaheami servodatsurggiid rastá, ja maiddái gieldda- ja fylkkarájáid rastá.

Čáhceláhkaásahus

Čáhceláhkaásahus gáibida ahte min čáhci galgá ollislaččat suodjaluvvot ja geavahuvvot nanu guoddevaš vuogi mielde. Juksanmearri lea ahte min čáhcebiras galgá leat buorre ekologalaš ja kemiijalaš dilis.

Finnmárkkus leat guokte čáhceguovllu; Finnmárkku čáhceguovlu ja riikkaidgaskasaš Deanu, Njávdáma ja Báhčaveaji čáhceguovlu (mii ovdal gohčoduvvui Norgga-Suoma čáhceguovlun). Goappánai čáhceguvlui leat ráhkaduvvon guvllolaš čáhcehálddašanplánat oktan doaibmaprográmmain plánaáigodahkii 2022-2027.

Don gávnnat Finnmárkku čáhceguovllu čáhcehálddašanplánaid ja doaibmaprográmma vannportalen.no neahttasiiddus.

Vannportalen.no neahttasiiddus gávnnat maiddái Deanu, Njávdáma ja Báhčaveaji čáhceguovllu čáhcehálddašanplánaid ja doaibmabidjoprográmma.

Čáhcehálddašanplánat gustojit čáhceguovlluid buot čáziide; olles mearragáttelinnjái, buot stuorra ja smávva čáhcádagaide, stuorra ja smávva jávrriide ja buot vuođđočáziide. Dat válddahallá čázi dáláš dili ja bidjá konkrehta juksanmeriid boahttevaš birasdillái. Doaibmabidjoprográmmat evttohit makkár doaibmabijuid mii galgat čađahit suodjalan dihtii ja buoridan dihtii min čáhcebirrasa dili. Dainna lágiin mii áimmahuššat čázi ollislaččat, ávkin sihke olbmuide ja čázi eallimii ja heakkalaččaide.

Loga lasi čáhceláhkaásahusbarggus vannportalen.no neahttasiiddus

Diehtovuođđu Vann-Nett

Vann-Nett (Čáhce-Neahtta) lea almmolaš diehtovuođđu mii sihkkarastá ahte fágalaš institušuvnnat, berošteaddjijoavkkut, eiseválddit ja álbmot ožžot birasdieđuid, ja fállá seammás vejolašvuođa buktit rávvagiid čáhcehálddašanbarggu hárrái.

Mana siidui Vann-Nett.no

Sámegillii ođasmahttojuvvon: 30.07.2025 | Samisk versjon oppdatert: 30.07.2025