Dáidda almmolaš lanjas
«Buorre borjadat, 2003» man glássadáiddár Silja Skoglund lea dahkan, libarda ja deadju Finnmárkku fylkkabibliotehka lásain.
Sonja Siltala
Finnmárkku fylkkagieldda dáiddačoakkáldat leat bieđgguid min doaibmabáikkiin miehtá Finnmárkku fylkka. Dáiddadahkosat leat biddjojuvvon visttiide nugo joatkkaskuvllaide, bátnedivššohagaide, fylkkabibliotehkii ja fylkkavistái Čáhcesullui.
Dáidda lea dalle almmolaš lanjas, iige leat muhtin dáiddagalleriija seainnis. Dáiddadahkosat almmolaš báikkiin leat buohkaide olámuttolaččat. Dáidagiid ja sisa ostojuvvon dáiddáriid albmosii buktimiin ja gaskkustemiin mii háliidit ráhkadit buriid ja čuožžovaš dáiddavásihusaid Finnmárkku veahkadahkii.
Dáiddačoakkáldaga ráhkadeapmi
Mii bargat ain viidáseappot hukset čoakkáldaga ođđa háhkamiid bokte. Earenoamážit atnit dettolažžan oastit sisa govvadáidaga ja dáiddaduoji dáiddáriin geat gullet fylkii ja riikkaoassái. Oasit čoakkáldagas leat ostojuvvon dáiddáriin geat leat orostallan Finnmárkku fylkkagieldda Guosseatelieras Čáhcesullos.
Sáhtát gávdnat Guosseatelieras ostojuvvon dáiddadahkosiid min dáiddadiehtovuođus
Gaskkusteapmi ja visogovva neahtas
Seaidnemálagovva man Bjarne Holst lea njuohtan Máhkarávjju eanadagas, lea Davvenjárgga joatkkaskuvllas.
Bjarne Holst Galleri stiftelsen
Finnmárkku fylkkagielda geavaha KUNSTROM sihke doallan dihtii visogova ja gaskkustan dihtii iežas dáiddačoakkáldaga neahtas.
Dađistaga logahallojuvvojit dáidagat iešguđet báikkiin ja govvejuvvojit vai dat sáhttet biddjojuvvot diehtovuđđui.
Dássážii leat čuovvovaš báikkit biddjojuvvon mielde:
- Finnmárkku fylkkabibliotehka
- Fylkkavisti – guovddášhálddahus
- Davvenjárgga joatkkaskuvla
- Girkonjárgga joatkkaskuvla
Norgga dáiddadiehtovuođus - KUNSTROM sáhtát diđoštit Finnmárkku fylkkagieldda dáiddačoakkáldaga. Sáhtát ohcat báikki, dáiddára dahje teknihka. Dasa lassin gávnnat doppe fáddáčoakkáldagaid ja dáiddavádjolemiid kárttas.
Geahča fylkkagieldda dáiddačoakkáldaga
Hálddašeapmi
Dáiddadahkosat maid fylkkagielda eaiggáduššá dárbbašit máŧasdoallama ja dikšuma. Háhkanproseassa maŋŋil lea fylkka institušuvnnaid ovdasvástádus áimmahuššat iežaset dáiddadahkosiid. Juos olmmoš dárbbaša veahki, de seahtá ohcat veahki vuos fylkkagieldda dáiddahálddašeaddjis. Mii sáhttit vaikko bivdit fágalaš veahki konserváhtoris.
Sámegillii ođasmahttojuvvon: 10.07.2025
Samisk versjon oppdatert: 10.07.2025