Ovttasbarggu vuođđun lea leamaš sierra šiehtadus mii vuosttaš gearddi vuolláičállojuvvui jagi 1991. Šiehtadus lea viiddiduvvon ja ođasmahttojuvvon máŋgii, maŋimusat jagi 2025. Šiehtadusa ulbmil lea ain eambbo ovddidit Davvi-Norgga kulturovttasbarggu.
Davvi-Norgga kulturšiehtadus
Davvi-Norgga kulturšiehtadus lea guovdilis gaskaoapmi ovttasbarggu ja oktasaš ulbmiliid várás sihke kulturpolitihkkii ja kultureallima ovdánahttimii davvin.
Šiehtadusas leat guokte oasi:
- Politihkalaš ja strategalaš oassi, mas leat višuvnnat, mihttomearit ja áŋgiruššamat davvinorgalaš kulturovttasbargui.
- Ruhtadeami oassi, mii ásahallá guvllolaš doarjagiid juohkima riikkaoasi viidosaš kulturinstitušuvnnaide ja dáiddárorganisašuvnnaide.
Šiehtadus galgá váikkuhit rikkis kultureallima šaddui ja buriid eavttuide
miehtá riikaoasi, sihke eaktodáhtolaš ja ámmátlaš kultureallimis.
Fylkkagielddat ođasmahttet šiehtadusa juohke njealját jagi. Finnmárkku, Romssa ja Nordlándda fylkkadikkit mearridedje geassemánus 2025 ođđa kulturšiehtadus áigodahkii 2026-2029.
Loga fylkkadiggeášši OpenGov:as
Loga Davvi-Norgga kulturšiehtadusa 2026-2029 dás. (PDF, 14 MB)
Davvi-Norgga kulturpolitihkalaš ráđđi
Fylkkagielddat ovttasbarget Davvi-Norgga kulturpolitihkalaš ráđi bokte. Ráđis leat Nordlándda, Romssa ja Finnmárkku kulturpolitihkalaš jođihangottit.
Ráđđi galgá:
- suokkardit oktasaš kulturpolitihkalaš hástalusaid
- ovddidit ja čuovvolit oktasaš strategiijaid ja prošeavttaid
- leat oidnosis regionála, nationála ja internationála lávddis
- gulahallat Sámedikkiin ja Kulturdepartemeanttain.
Ráđđi čoahkkana guktii jahkái, muđui dárbbu mielde.
Davvi-Norgga kulturpolitihkalaš deaivvadeapmi
Fylkkagielddat bovdejit jahkásaččat Davvi-Norgga kulturpolitihkalaš deaivvadeapmái. Das deaivvadit kultursuorgi ja fylkkagielddat ságastallamii.
Deaivvadeapmi galgá nannet ovttasbarggu:
- fágasurggiid ja geografiija rastá
- aktevrraid ja šiehtadusbeliid gaskka
- regionála ja nationála dási gaskka, nugo gielddaid, Sámedikki ja departemeantta
Ovddasvástádus lágidit deaivvadeami sirdása fylkkaid gaskka. Buot golbma fylkkagieldda leat oktasaš guossoheaddjin.
Kulturpolitihkalaš deaivvadeapmi jagi 2026 lágiduvvo plána mielde Álttás skábmamánu 4.–5. beaivvi.
Doarjagat dáidda- ja kulturinstitušuvnnaide 2026–2029
Fylkkagielddat ovttasbarget ruhtadit máŋga davvinorgalaš dáidda- ja kulturinstitušuvnna Davvi-Norgga kulturšiehtadusa bokte.
Institušuvnnat leat dáidda- ja kultureallima dehálaš oassádallit ja ovddastit máŋgga iešguđegelágan kulturovdanbuktimiid.
- Árktalaš Filharmoniija OS, Romsa
- Arktisk Film Norge AS, Bådåddjo
- Arktisk Film Norge Invest AS, Bådåddjo
- Beaivváš Sámi Našunálateáhter, Guovdageaidnu
- Davvi - Senter for scenekunst, Hámmerfeasta ja Romsa
- Davvi-Norgga riemut (FINN), Hárstták
- Hålogaland amatørteaterselskap (HATS), Romsa
- Forum for nordnorske dansekunstnere
- Hålogaland amatørteaterselskap (HATS), Romsa
- Landsdelsmusikerordningen (LINN), Hárstták, Áltá, Hámmerfeasta ja Čáhcesuolu
- Landsdelsmusikerne i Nord Norge (LiNN)
- Stiftelsen Nordnorsk Jazzsenter (NNJS)
- Musikkkontoret Nord
- Nordnorsk kunstnersenter (NNKS), Suolvearra
- Pikene på Broen, Girkonjárga
- Nordnorske Billedkunstnere (NNBK)
- Davvi-Norgga girječálliid searvi (NNF)
- Norske Kunsthåndverkere Nord-Norge (NKNN)
Dáiddárorganisašuvnnat:
Sámegillii ođasmahttojuvvon: 12.06.2026
Samisk versjon oppdatert: 12.06.2026