Mis lea maiddái ovddasvástádus meannudit gáhttenstáhtusa ohcamušaid, ohcamušaid oažžut sierralobi mearrádusráfáidahttimis ja olgoriikii doalvunlobi ohcamušaid. Riikkaantikvára dahká mearrádusa.
Muđui mii rávvet ja fágalaččat bagadit áššiin mat gusket gáhttenfatnasiidda.
Oza gáhttenstáhtusa
Riikkaantikvára sáhttá juolludit stáhtusa gáhttejuvvon skiipan eaiggáda ohcamuša vuođul ja positiiva mearrádusevttohusa vuođul fylkkagielddas gosa fanas gullá.
Stáhtus gáhttejuvvon skiipan lea ovttasbargu gaskkal direktoráhtaid Riikkaantikvára ja Mearrajohtolatdirektoráhtta. Mearrajohtolatdirektoráhta njuolggadusain lea sajáiduhttojuvvon, ahte Riikkaantikvára galgá dahkat mearrádusa mii addá beasatlašvuođa stáhtusii.
Ohcanskovi ja lasi dieđuid gávnnat Riikkaantikvára neahttasiidduin.
Doarjja
Doarjjaortnet poasttas 74 (doarjja fatnasiidda) sirdojuvvo Fylkkagildii easkka 2020 čavčča rájes, ja dat doaibmagoahtá jagi 2021 ohcanproseassa rájes. Ain lea Riikkaantikvára mii juohká ruđaid, maid fylkkagielddat ožžot ráđđejupmái stáhtabušeahta bokte.
Doarjjaortnega ulbmil lea áimmahuššat ja divvut ráfáidahttojuvvon fatnasiid ja válljejuvvon fatnasiid mat leat ožžon stáhtusa gáhttejuvvon fanasin, ja man eaiggádat čálalaččat leat miehtan doahttalit Riikkaantikvára antikváralaš váldonjuolggadusaid mielde. Ulbmiljoavku lea ráfáidahttojuvvon fatnasiid eaiggádat ja hálddašeaddjit ja fatnasiid eaiggádat ja hálddašeaddjit geaiguin Riikkaantikvára lea soahpan fatnasiid gáhttenstáhtusa hárrái.
Doarjja fanasgáhttemii
Gáhttejuvvon fatnasat Finnmárkkus
Sámegillii ođasmahttojuvvon: 23.04.2025
Samisk versjon oppdatert: 23.04.2025