Doarjja kulturmuitodoaibmabijuide

Finnmárkku fylkkagielda juolluda doarjaga doaibmabijuide main lea mearkkašupmi gitta, fysihkalaš kulturmuittuide.

Doarjja kulturmuittuide 

Finnmárkku fylkkagielda háliida movttiidahttit sihke áimmahuššat ja geavahit kulturmuittuid fylkkas. Kulturárbejuhkosis leat duollet dálle ruđat mat sáhttet addojuvvot lasáhussan dan ulbmilii.

Kulturmuittuid eaiggádat ja hálddašeaddjit sáhttet ohcat ruđa iešguđetlágan doaibmabijuide, nugo ovdamearkka dihtii kulturmuittuid dikšumii, láhčimii, árvoloktendoaibmabijuide, dilleguorahallamii ja divodanplánaide, dahje hoahppodoaibmabijuide mat galget hehttet eanet luskkiideami ovdalgo divodeami sáhttá álggahit, giehtaduodjekurssaide jna. (listu ii leat dievaslaš).

Finnmárkku fylkkagielda dábálaččat ii juollut ruhtadoarjaga joatki doaibmagoluide dahje bálkámáksimii. Álbmogassii bargu lea árvu man sáhttá lasihit prošeavtta bušehttii ja rehketdollui iežas bargun/iežaskapitálan, muhto ii leat vejolaš dan gokčat ruhtadoarjagiin.

Go lea čađahan prošeavtta, de ferte sáddet doaibmaraportta oktan rehketdoaluin, ovdalgo sáhttit máksit doarjaga.

Váldde vaikko oktavuođa minguin juos dárbbašat eanet dieđuid dahje ráđiid.

Oza doarjaga

Ohcanskovvi lea rabas birra jagi, ja doarjagat juhkkojuvvojit dađistaga nu guhká go leat ruđat.

Ohcamuš ferte sisdoallat dáid:

Gii ohcá. Juos ohcci lea eará go eaiggát, de ferte fápmudanbábir eaiggádis biddjojuvvot mielddusin.
Kulturmuittu govva ja válddahus
Dállo- ja geavahannummir, ja maid gielda gos kulturmuitu lea
Doaibmabijuid válddahus ja vuođuštus maidda ohccojuvvojit ruđat
Gollomeroštus (oktan vejolaš bušeahtain) ja ohcamušsubmi

Sádde ohcamušat