Movt galgá ohcat? 

Buot ohcamat dáhpáhuvvet elektrovnnalaččat ja Kultur- ja dásseárvodepartemeantta neahttasiidduid bokte anleggsregisteret.no  

Dáppe gávnnat buot maid dárbbašat diehtit ohcanproseassa hárrái, maiddái kulturhuksehusaid sirddáldahttojuvvon doarjjaortnega hárrái. Fylkkagielddas leat maiddái sierra guovlluguovdasaš bienalaččat váldonjuolggadusat. Doaisttážii gustojit váldonjuolggadusat mat gustojedje ovddeš Finnmárkku fylkkagielddas. 

Loga spealloruđaid váldonjuolggadusaid Finnmárkku kulturhuksehusaid várás. (PDF, 905 kB) 

Deaŧalaš mearkkašit:  

• Gieldda ohcanáigemeari mearrida iešguhtege gielda  
• Ohcci fertet dokumenteret ohcanskovi deavdima bokte ja mildosiid sisasáddema bokte ahte eavttut leat devdojuvvon.  
• Áigemearri čoahkis sáddet gieldda spealloruhtaohcamušaid fylkkagildii lea cuoŋománu 1. beaivvi. 
• Kulturdepartemeanta mearrida juolludeami rámaid ja fylkkagielda juohká juolluduvvon ruhtasupmiid ja dieđiha ohcciide bohtosa hárrái.  

Váldde oktavuođa gielddain dahje fylkkagielddain vai oaččut dárkilet dieđuid ohcanáigemeari ja ohcanproseassa hárrái.  

Geat sáhttet ohcat? 

• Gielddat ja gielddalaš doaimmat  
• Eaktodáhtolaš joavkkut, searvvit ja organisašuvnnat  
• Ii- gávppálaš doaimmat (oasussearvvit, vuođđudusat)  

Masa sáhttá ohcat ruđa? 

Doarjja sáhttá addojuvvot kulturviesuide, máŋggageavahuslanjaide dahje dáidaga ja kultuvrra vásedinlanjaide, nugo bibliotehkaide, museaid dahje eará kulturgáhttendoaibmabijuid huksehusaide, lávdedáiddalanjaide, konseartasáliide dahjege govvadáidaga gaskkustanlanjaide. Doarjja sáhttá maiddái addojuvvot eallinoaidnoneutrála meannolanjaide.  

Ruđat sáhttet geavahuvvot kulturarenaid ođđahuksehusaide, earáhuhttinbargguide ja ođđaáigádeapmái, muhto eai máŧasdoallamii ja doibmii.   

Sámegillii ođasmahttojuvvon: 15.07.2025

Samisk versjon oppdatert: 15.07.2025