Mat sáhttet dorjojuvvot?  

• Festiválat main lea dakkár sisdoallu mii ollašuhttá doarjjaortnega ulbmila, ja mat ovdanbuktet dáidda- ja kulturalbmanahttimiid álbmogii ovtta dahje máŋgga dáiddasuorggis: Ovdamearkka dihtii musihkka, lávdedáidda, filbma, girjjálašvuohta, visuála dáidda ja dáiddaduodji. Dás maiddái ealáhuslaš festiválat mat ovddastit fylkka vuođđoealáhusaid, ja maid borramušfestiválat. 
• Festiválat main lea prográmma mas leat báikkálaš / guovlluguovdasaš buvttadeamit / oassádallit.  
• Festiválat mat gaskkustit dáidaga ja kultuvrra mánáide ja nuoraide. 
• Festiválat mat ovddidit máŋggabealatvuođa ja searvadahttima iežaset barggus. Juolluduvvon doarjaga eaktu lea ahte festivála vuhtiiváldá dohkkehuvvon mieđušteaddjiduođaštusaid ja nu guhkás go vejolaš geahččala ollašuhttit beasatlašvuođa buohkaide. 
• Festiválat galget bistit uhcimustá 2 beaivvi.  
• Festiválas ferte leat guovlluguovdasaš fátmmastanguovlu. 
• Festivála ferte oažžut ruhtadoarjaga iežas lágideaddjigielddas, dát sáhttá leat ekonomalaš doarjja, lanjaid geavaheapmi, veahkkevárit, infrastruktuvra ja sullasaččat. 
• Sáhttá ohcat ovtta jagi dahje golmma jagi doarjaga. Juos galgá oažžut doarjaga golmma jahkái, de ferte festivála leat leamaš uhcimusat golbma jagi ja das fertejit leat stivra ja njuolggadusat. Ohccit geat leat ožžon golmma jagi doarjaga fertejit liikká sáddet jahkásaš ohcamuša ja raportta vai sáhttet oažžut máksojuvvot lohpiduvvon doarjaga. 
• Festiválat galget leat áigeráddjejuvvon ja čađahuvvot ohcamuša mielde ja juolludusreivves mearriduvvon eavttuid ja áigemeriid mielde. 
• Festivála galgá nu guhkás go vejolaš geahččalit gávdnat ceavzilis čovdosiid buot dásiin buvttadeamis, fievrrideamis ja lágideamis muđui. 

Geat sáhttet ohcat?  

• Ohcciin sáhttet leat iešguđetlágan organisašuvdnahámit, muhto sis ferte leat sierra organisašuvdnanummir. 
• Doaibmabijuin dahje prošeavttain mat ožžot doarjaga dán ortnegis, ii sáhte váldit vuoittu.  

Ohcanáigemearri 

Jahkásaš ohcanáigemearri lea juovlamánu 1. beaivvi festiválaide mat lágiduvvojit čuovvovaš jagi. Ohcamuš ferte sáddejuvvot ovdal dii. 24:00. Ohcanskovvi sáddejuvvo fylkkagieldda ohcanportála bokte. 

Sádde ohcamuša 

Gáibádusat ohcamuššii  

Elektrovnnalaš ohcanskovvi galgá geavahuvvot, ohcamušat mat dan eai daga, hilgojuvvojit. 

Ohcamušas galget leat dát dieđut: 

• Ohcci namma, čujuhus ja organisašuvdnanummir galget almmuhuvvot. 
• Gulahallanolbmo namma, e-poastačujuhus ja telefovdnanummir. 
• Dieđut doaimma birra; ulbmil / juksanmearri ja organisašuvdnahápmi.  
• Ulbmiljoavkkuid ja fátmmastanguovlluid válddahus. 
• Prográmmadieđut / prošeaktaválddahus daid doaibmabijuid birra mat galget čađahuvvot. 
• Beaivemearit goas festivála galgá čađahuvvot.  
• Vejolaš ovttasbargoguoimmit. 
• Supmi aiddostahttin ollugo ohccojuvvo fylkkagielddas ja ollugo ohccojuvvo lágideaddjigielddas.  
• Doarjjadokumentašuvdna lágideaddjigielddas, ekonomalaš doarjaga dahje doarjjareivve hámis mas eará gielddalaš addosat oidnojit.   
• Dárkilis bušeahtta ja ruhtadanplána.  

Bušeahtta, ruhtadanplána ja vejolaš prográmma / prošeaktaválddahus biddjojuvvo ohcamuššii sierra mielddusin. 

Doarjaga olggosmáksin

Doarjjalohpádus máksojuvvo ollásit olggos maŋŋilgo lohpádus lea addojuvvon. Ohcci geasa juolluduvvo doarjja, galgá sáddet rehkega fylkkagildii maŋŋilgo mearrádusreivve lea vuostáváldán. Juos juolluduvvon ruđat eai geavahuvvo sisasáddejuvvon ohcamuša mielde ja váldonjuolggadusaid mielde maid vuođul dat leat addojuvvon, de sáhttá doarjjalohpádus gessojuvvot ruovttoluotta ja olggosmáksojuvvon ruđat sáhttet gáibiduvvot máksojuvvot ruovttoluotta. 

Geahča movt sáddet rehkega fylkkagildii 

Raporteren 

Raporteren galgá dáhpáhuvvat elektrovnnalaš raporterenskovi bokte fylkkagieldda skovveportálas. 

Mana raporterenskovvái 

Doarjjaortnegis ii gáibiduvvo dárkkisteapmi, muhto rehketdoalu galget vuolláičállit guokte persovnna geat leat vásttolaččat doaibmabijus masa doarjjalohpádus lea addojuvvon. Lágideaddji lea vásttolaš rehketdoalu riekta girjemis, ja vásttolaš ahte doarjja lea geavahuvvon daid rámaid siskkobealde maidda dat lea addojuvvon. 

Doarjjaortnega váldonjuolggadusaid (PDF, 282 kB) mearridii gelbbolašvuođa váldolávdegoddi golggotmánu 8. beaivvi 2024.  

Sámegillii ođasmahttojuvvon: 15.07.2025

Samisk versjon oppdatert: 15.07.2025