Eaktodáhtolaš organisašuvnnat leat dehálaš resursan aktiiva ja ealli servodahkii Finnmárkkus. Doarjjaortnegiin háliida Finnmárkku fylkkagielda loktet eaktodáhtolaš doaimmaid Finnmárkkus, váikkuhit searvadahttimii, ja sihkkarastit doaimmaid mat dahket buori Finnmárkku ássiide. Doarjja juolluduvvo oktii jahkái. 

Gii sáhttá ohcat

Eaktodáhtolaš organisašuvnnat sáhttet ohcat jus devdet buot čuovvovaš eavttuid:

• Organisašuvdna lea Frivillighetsregisteris registrerejuvvon
• Organisašuvdna lea duođaštan eaktodáhtolaš doaimmaid Finnmárkkus ohcanjagi.
• Organisašuvdna deavdá ovtta čuovvovaš eavttuin:
  • leat golbma báikkálašsearvvi golmma iešguđetge gielddas/suohkanis Finnmárkkus, dahje
  • lea doaibmi fylkkasearvi ja sáhttá duođaštit doaimmaid unnimusat golbma gielddas/suohkanis Finnmárkkus. 

Báikkálašsearvi mearkkaša organisašuvnna ovttadat mas lea sierra stivra dahje nammaduvvon gulahallanolmmoš. Jus guovllu dahje báikki searvi ii leat logahallon Frivillighetsregisterii de sáhttá bajit organisašuvdna geavahuvvot. 

Gii ii sáhte ohcat

Čuovvovaččat eai sáhte ohcat doarjaga ortnega bokte:

• organisašuvnnat guhte ožžot dahje sáhttet oažžut doarjaga Finnmárkku fylkkagieldda eará doarjaortnegii bokte seammá ulbmilii dahje prošektii
• valáštallansearvvit
• dihto pasieantajoavkkuide dahje buozalmasvuođaide čatnon dearvvašvuođaorganisašuvnnat
• beroštusorganisašuvnnat
• priváhta fitnodagat dahje organisašuvnnat geaid ulbmil lea dinet ruđa. 

Mii geavahit ICNPO-kategoriijaid Frivillighetsregistaris duođaštit dán. Ohcamušat guđet gullet dás bajábealde čilgejuvvon čuoggáide, hilgojuvvojit automáhtalaččat. 

Maid mii sáhttit doarjut

Doarjaga sáhttá geavahit:

• organisašuvnna doaimmahit
• doaimmaide maid organisašuvdna lágida eaktodáhtolaš barggu vuođul

Bušeahtta galgá čájehit čielga bušeahttapoasttaid ordnejuvvon bajábealde ulbmiliid mielde.

Maid mii eat doarjjo

Doarjaga ii sáhte geavahit:

• doaibmabijuide eaktodáhtolaš áŋgiruššama haga
• miellahttodivadiid máksit

Mo ohcat

Ohcamuš galgá sáddejuvvot fylkkagieldda digitála ohcanskoviin neahta bokte. Loga njuolggadusaid (PDF, 71 kB) ovdal go ozat. 

Mana ohcanskovvái

Meannudeapmi

Áššemeannudeapmi lea muhtin muddui automáhtalaš ja muhtin muddui muttolaš árvvoštallan. Finnmárkku fylkkagielda sáhttá geavahit goanstajierpmi ja automáhalaš mearridandoarjjavuogádagaid áššemeannudeamis. Gávnnat eambbo dieđuid dan birra njuolggadusain.  (PDF, 71 kB)

Doarjjajuolludeapmi

Doarjjajuolludeapmi lea das duohken ahte galle gielddain organisašuvnnas leat báikkálašsearvvi:

• 3–9 báikkálašsearvvi: kr 25 000
• 10 dahje eambbo báikkálašsearvvi: kr 40 000

Jus ollislaš ohcansubmi lea alit dahje vuolit go bušeahttarámma, de Finnmárkku fylkkagielda unnida dahje stuorida doarjagiid vai heive.

Doarjjamáksin

Ohcci guhte oažžu doarjaga galgá sáddet rehkega Finnmárkku fylkkagildii maŋŋá go mearrádusreivve lea ožžon. Finnmárkku fylkkagielda sáhttá bivdit geahčadit ja duođaštit ruđa geavaheami. Finnmárkku fylkkagielda sáhttá gáibidit ruđa ruovttoluotta jus doarjaga eavttut eai leat devdon. 

Raporteren

Raporteren galgá dahkkot digitála raporterenskovi bokte fylkkagieldda skovveportálas. 

Gelbbolašvuođa váldolávdegoddi mearridii Doarjja eaktodáhtolaš organisašuvnnaide njuolggadusaid (PDF, 71 kB) miessemánu 4. beaivvi 2026. 

Sámegillii ođasmahttojuvvon 03.09.2026
Samisk versjon oppdatert: 03.09.2026