Nubbi stipeandda juolluduvvo girječállái gean ulbmiljoavku leat rávesolbmot, nubbi juolluduvvo ovddemustá girječállái gean ulbmiljoavku leat mánát ja nuorat. Vejolaš lea buktit ovtta ohcamuša goappáge ulbmiljoavkku várás, muhto ovtta ja seamma olbmui eai sáhte juolluduvvot goappašat stipeanddat.  

Geat sáhttet ohcat? 

• Girječálli ferte ássat Davvi-Norggas. 
• Teaksta ferte leat čáppagirjjálaš
• Girječalli ferte Norgga kulturráđi oastinortnegis dahje ferte leat girječálliorganisašuvnna miellahttu. 
• Girječállit geaidda lea juolluduvvon bargostipeanda, fertejit vuordit jagi ovdalgo fas sáhttet ođđasis ohcat.  

Gáibádusat ohcamuššii  

• Ohcamuš galgá sisdoallat 15 siidosaš almmutkeahtes teakstabihtá ja dieđuid prošeavtta hárrái masa teakstabihttá gullá.  
• Ohcci ferte sáddet CV mii lea relevánta ochamuššii ja čilget mo stipeanda galgá geavahuvvot. 
• Ohcci galgá geavahit elektrovnnalaš ohcanskovi.  
• Mildosiid galgá viežžat PDF:n.

Loga bargostipeandda oppalaš njuolggadusaid Romssa fylkkasuohkana neahttasiidduin

Dubmengoddi 

Dubmengottis leat guokte Davvi-Norgga girjjálašvuođabirrasa ovddasteaddji ja okta olggobealde Davvi-Norgga girjjálašvuođabirrasa ovddasteaddji. Dubmengoddi vállje stipeandaoažžuid. Dieđihuvvo stipeandaoažžuide go dubmengoddi lea mearridan. 

Duogáš

Davvi-Norgga girjjálašvuođa strategiija deattuha ahte kvaliteahttagirjjálašvuođa buvttadeapmi galggašii lassánit Davvi-Norggas. Dálááiggegirjjálašvuođas lea deaŧalaš mearkkašupmi dasa makkárin riikkaoassi neaktá ja movt oaidná iežas. Buorre čáppagirjjálašvuohta duddjo rámisvuođa, gullevašvuođa ja fuomášumi riikkaoassái. 

Girjjálašvuođastrategiija lea oassi Davvi-Norgga kulturšiehtadusas, ja dan hálddašit Nordlándda, Romssa ja Finnmárkku fylkkabibliotehkat.   

Duogášdokumeanttat  

Davvi-Norgga girjjálašvuođastrategiija 2022-2025 (PDF, 477 kB) 

Davvi-Norgga kulturšiehtadus 2022-2025 (PDF, 12 MB)

Sámegillii ođasmahttojuvvon: 18.06.2026

Samisk versjon oppdatert: 18.06.2026