Valáštallanstipeanda galgá leat mielde addimin nuorat valáštalliide movtta ja vejolašvuođa áŋgiruššat ovddos guvlui ja persovnnalaččat ovdánit valáštallamisttiset.

Stipeanda lea persovnnalaš. Ohcamušas lea vuogas čujuhit bohtosiidda maid leat olahan valáštallamis ja iežat ambišuvnnaide áŋgiruššamiinnát ovddos guvlui.

Vuollel 18 jahkásaš ohcciin gáibiduvvo duođaštus fuolaheaddjis jus ohcamuš galgá meannuduvvot. Fuolaheaddjit ožžot automáhtalaččat dieđáhusa miehtat ohcamuššii go don leat sádden ohcamuša.

Juolludeapmi

1. Gelbbolašvuođa váldolávdegoddi mearrida gii galgá stipeandda oažžut. Stipeanddat juolluduvvojit ohcamušaid vuođul maid leat ožžon. Stipeanddat geigejuvvojit fylkkadikki maŋimuš čoahkkimis juovlamánus.
2. Juolludeamis galgá deattuhuvvot govttolaš leavvan iešguđet valáštallansurggiide.
3. Valáštallit sáhttet dušše oktii oažžut stipeandda.
4. Vejolašvuohta ohcat stipeandda galgá almmuhuvvot dohkálaš vuogi mielde. Almmuheapmi ja áigemearri galget biddjot seammá áigái juohke jagi.

Eavttut

1. Evttohasat galget leat 16–25 jahkásaččat guoskevaš valáštallama gilvvohallanjagis, ja leat miellahtut valáštallanjoavkkus/báhčinjoavkkus Finnmárkku valáštallanbiirres dahje báhčinjoavkkus Finnmárkkus.
2. Ohcat galgá fylkkagieldda ohcanportála elektrovnnalaš ohcanskovi bokte. Ohcamušas galgá maŋimuš jagi bohtosiid/olahusaid válddahit. Valáštallit geat sáhttet čujuhit beassan buoremusaid searvái riikkaviidosaš ja riikkaidgaskasaš gilvvohallamiin vuoruhuvvojit.
3. Juolludeami árvvoštaladettiin ii galgga eará sisaboađuin dahjege eará almmolaš doarjagiin adnojuvvot deasta.
4. Valáštallanstipeandda juolludeapmi lea vuođđuduvvon ohcamušaid kvaliteahta árvvoštallamii.

Raporteren

Ii gáibiduvvo sierra raporteren máksojuvvon stipeandda ovddas, muhto mii ávžžuhit stipeandaoažžuid dieđihit Finnmárkku fylkkagildii movt sii ovdánit ja birgejit valáštallamis.

Sámegillii ođasmahttojuvvon: 02.06.2026

Samisk versjon oppdatert: 02.06.2026