Ulbmil

Ortnega ulbmil lea lasihit álbmoga buot joavkkuid oassálastima dearvvasvuođaovddideaddji, čálgodahkki ja birasseasti olgunastimii. 

Geat sáhttet ohcat?  

Eaktodáhtolaš organisašuvnnat mat leat logahallojuvvon ovttadatregistarii (Brønnøysundregistarii) ja gielddaidgaskasaš olgunastinráđiide.

Vuoruhuvvojit doaibmabijut mat arvvosmahttet njuolga olgunastinbuđaldeapmái, ovdamearkka dihtii ordnejuvvon tuvrrat, olgunastinleairrat, geavatlaš kurssat ja eará olgunastinbuđaldemiid oahpaheamit. Smávit oasit doarjagis sáhttet geavahuvvot oastit eaŋkalis meahcástanbiergasiid ja gálvvuid mat mielváikkuhit ovddidit olgunastinbuđaldemiid (rádji lea sullii 5 000 kruvnnu). 

Loga eambbo doarjagiid hárrái olgunastinbuđaldeapmái Birasdirektoráhta neahttasiidduin dárogillii.

Movt galgá ohcat?

Bagadallama movt ohcanskovi deavddát, gávnnat Birasdirektoráhta neahttasiidduin.

Juos dárbbašat veahki ráhkadit ohcamuša, váldde oktavuođa ESS-vehkiin telefovnnas : 951 23 500 dahje e-poasttas: esshjelp@miljodir.no.

It sáhte logahallat ohcamuša priváhta olmmožin go ozat organisašuvnna namas. Galggat logahallat «doaibma/ovttadat» namas, itge priváhta olmmožin.  

Ohcanáigemearri  

Ohcanáigemearri juolludeapmái jagi 2025 leai juovlamánu 1. beaivi 2024.

Doarjagiid juohkin  

Buot ohccit ožžot vástádusreivve ohcamušaidasaset. Dárkilet dieđut raporterema ja olggosmáksima hárrái bohtet ovdan reivves.

Olggosmáksinbivdaga sáhttá geavahit juos e-fáktura ii leat vejolaš.  (PDF, 392 kB) 

Sámegillii ođasmahttojuvvon: 18.07.2025

Samisk versjon oppdatert: 18.07.2025