Dovddat go olbmo, organisašuvnna, doaimma dahje vuolggaheami guhte lea erenoamážit áŋgiruššan Finnmárkku álbmotdearvvašvuhtii?
Finnmárku fylkkagielda geige jahkásaččat Álbmotdearvvašvuođabálkkašumi. Jagi 2026 bálkkašupmi lea 25 000 kruvnnu.
Bálkkašupmi galgá gudnejahttit ovttaskas olbmuid, eaktodáhtolaš organisašuvnnaid, almmolaš doaimmaid dahje priváhta aktevrraid guđet veahkehit álbmoga dearvvašvuođa, eallinárvvu ja birgenlági buoridit.
Gean sáhttá evttohit?
Mii bivdit álbmoga buktit evttohasaid geat leat váikkuhan Finnmárkku ássiide buori láhkai.
Sáhttet doaibmabijut mat ovddidit psyhkalaš dearvvašvuođa, fysalaš lihkadeami, buori bajásšaddaneavttuid, sosiála searvadahttima, gárrenvuođa eastadeami dahje eará dehálaš álbmotdearvvašvuođa áššit.
Maid mii deattuhit vuoruheamis?
Veardidettiin evttohasaid mii deattuhit:
- Duođaštuvvon bohtosiid ja positiiva váikkuhusaid
- Man muddui dat guoská Finnmárkku álbmotdearvvašvuođahástalusaide
- Barggu bisttu ja guoddevašvuođa
- Ovttasbarggu ja mielváikkuheami
Álbmotdearvvašvuođabálkkašupmi galgá movttiidahttit joatkevaš áŋgiruššamii ja buktit fuomášumi fylkka álbmotdearvvašvuođabargui.
Mii hásttuhit buohkaid buktit evttohasaid. Áigemearri lea čakčamánu 1. beaivvi 2026.
Fylkkadiggi geige bálkkašumi juovlamánu 2026.
Nominere álbmotdearvvašvuođabálkkašumi evttohasa
Sámegillii ođasmahttojuvvon 16.07.2026
Samisk versjon oppdatert 16.07.2026