Sáhttogolut dáid njuolggadusaid olis mearkkaša mátkegolut gaskal pasieantta orrunbáikki ja lagamus bátnedivššohaga dahje almmolaš bátneviššohaga seammá gielddas/suohkanis. 

Mátki vuollel 10 km dahje mátki mii čađahuvvo báikkálaš almmolaš fievrrideami meari mielde ii gokčojuvvo. 

• Sáhttogoluid gokčama eaktun lea ahte pasieanta boahtá bátnedivššohahkii šiehtadusa olis. 
• Fylkkagielda ii mávsse sáhttogoluid oalolortopediija dikšuma oktavuođas. 

Mátki ferte čađahuvvot hálbbimus vuogi mielde. Hálbbimus johtinvuohki dábálaččat mearkkaša ruvttojohtti fievrrideapmi. Erenoamáš oktavuođain, go ruvttojohtti (kollektiiva) fievrrideapmi ii leat vejolaš, de ferte táksi šiehtaduvvot divššohagain ovdalgihtii. 

Jus ruvttojohtti fievrrideapmi ii leat vejolaš, de biillabuhtadusa máksu lea seammá go kilomehterbuhtadus Pasieantamátkeláhkaásahusas ("Forskrift om pasienters, ledsageres og pårørendes rett til dekning av utgifter ved reise til helsetjenester").

Pasieanttat geat dearvvašvuođadili geažil eai sáhte kollektiiva fievrridemiin mátkkoštit ožžot táksi atnit. Jus galgá oažžut táksegoluid buhtadusa, de ferte julggaštus doaktáris mii duođašta siva dasa ahte ii sáhte kollektiiva atnit. Jus pasieanta doaktárjulggaštusa olis atná táksi, de eat mávsse vuordináiggi. 

Gokčat mátkegoluid:

• Buhtadeami bokte pasientii. Dalle ferte mátkerehketskovvi ja máksoduođaštusat mielddusin sáddejuvvot ja mii máksit ruđa báŋkokontoi maid leat addán midjiide. 
• Erenoamáš oktavuođain faktura FFK bokte, earet vejolaš iežasoasi. Divššohat ferte vuos bearrat mátkki. 

Heahtedivššu oktavuođas sáhttá spiehkastit hálbbimus johtinvuogi gáibádusas, jus hálbbimus johtinvuohki mielddisbuktá eahpegovttolaš guhkes vuordináiggi, dárbbašmeahttun bákčasa dahje dearvvašvuođavára. Spiehkasteapmi gáibádusas ahte geavahit hálbbimus johtinvuogi galgá ovdalgihtii šiehtaduvvot divššohas bátnedoaktáriin. Bátnedoavttir sáhttá spiehkastit gáibádusas ovdagihtii soahpat, go lea eahpegovttolaš gáibidit ahte soahpamuš lea čađahuvvon (ovddemustá jus lea bártidan), ja go árvvoštallá mátki áibbas dárbbašlažžan.

Mielčuovvu lea dábálaččat dárbbašlaš mánáide gitta dan kaleanddarjagi lohpi go devdet 14 jagi. Jus leš vejolaš, de sáhttá spiehkastit dán ahkemearis bátnedoaktára konkrehta árvvoštallama vuođul juohke áššis. Maiddái B ja C2 pasieanttaide galgá mielčuovvodárbu árvvoštallojuvvot konkrehta ovdalgo mielčuovu mátkegolut rehkenastojuvvojit sáhttogollun. 
 

Juohke eaŋkilmátkkis galgá pasieanta máksit iežasoasi mii lea seamma go iežasoassi gustojeaddji Pasieantamátkeláhkaásahusas («forskrift om pasienters, ledsageres og pårørendes rett til dekning av utgifter ved reise til helsetjenester».

Mánát gitta dan mánu lohppii go devdet 16 jagi ja Joavku B eai mávsse iežasoasi.

Jus almmolaš bátnedearvvašvuođabálvalus organisere oktasaš mátkki láigohuvvon sáhtuin muhtin jovkui geas lea vuoigatvuohta oažžut nuvttá bátnedivššu, de máksojuvvojit mátkegolut ollásit rehkega olis maid fievrrideaddji sádde.

Jus lea dárbu oažžut mátkejođiheaddji, de oažžu son biebmoruđa seamma njuolggadusaid vuođul go «Forskrift om dekning av utgifter ved reise for undersøkelse og behandling» man vuođđun lea Spesialistadearvvašvuođabálvalusláhka. Eaktun biebmoruđa gokčamii lea dalle ahte olmmoš lea eret ruovttus eanet go 12 diimmu.

Mátkegoluid buhtadusa oažžun dihte ferte bidjat mielddusin dárbbašlaš duođaštusa. Nuvttá bátnedivššu vuoigatvuođalaččaid mátkegoluid skovi galgá deavdit ja addit divššohahkii. Divššohat galgá veahkehit deavdimis skovi dárbbu mielde. Skovvi oktan máksoduođaštusaiguin ja eará duođaštusaiguin sáddejuvvo viidáseappot divššohagas fylkkavistti bátnedearvvašvuođa hálddahussii vai oažžu bagadusa ja mávssu váljjejuvvon kontui.

Pasieanta ii oaččo ruovttoluotta submi mii lea vuollel 100 ruvnno.

• Kilomehterbuhtadus: 3,10 ruvnno juohke kilomehtera.
• Bibmoruhta maŋŋel 12 diimmu: 275 ruvnno juohke jándora
• Idjadanbutadus: 711 ruvnno juohke jándora. Ferte duođaštuvvot. 
• 171 ruvnnosaš iežasoassi juohke guvlui (342 ruvnno ovddos/máŋus) 
• Iežasoassi ii gusto friddjakoartta oassin.