Ná bargat mii álbmotdearvvašvuođain

Fylkkagielddas leat ollu bargamušat mat čatnasit álbmotdearvvašvuhtii, mat dađistaga ovdánit ja nuppástuvvet.

Almmuhuvvon 09.12.2019 12.32

Maŋemusat rievdaduvvon 24.11.2025 14.44

Mii galgat álggahit guvllolaš doaibmabijuid, doarjut gielddaid álbmotdearvvašvuođa barggu, ja duvdit ovddos fylkka álbmotdearvvašvuođa barggu ovttastahttima. Mii leat lága bokte geatnegahttojuvvon bargat dakkár servodatgárggiideami beales mii ovddida álbmotdearvvašvuođa ja dásse sosiála dearvvašvuođaerohusaid.

Fylkkagielddas leat ollu bargamušat mat čatnasit álbmotdearvvašvuhtii, mat geažos áigge ovdánit ja nuppástuvvet.

Oassi min bargamušain lea:

Ođasmahttit fylkka nanusvuođaid ja hástalusaid bajilgova
Mielváikkuhit ođđa dihtui ja máhttui
Neavvut gielddaid sin iežaset bajilgovvadokumeantabarggus
Addit evttohusaid gielddalaš plánaide, ja čuožžovaš guvllolaš ja stáhtalaš plánaide ja čielggadusaide
Hálddašit iešguđet doarjjaortnegiid
Mielváikkuhit ođđa dihtui ja máhttui fáttáid birra mat gusket álbmotdearvvašvuhtii
Buohtalastit ja/dahje jođihit prošeavttaid mat sáhttet dustet fylkka álbmotdearvvašvuođa hástalusaid

Álbmotdearvvašvuođalága hárrái

Álbmotdearvvašvuođaláhka galgá váikkuhit dakkár servodatgárggideapmái mii ovddida álbmotdearvvašvuođa, ja dásse sosiála dearvvašvuođaerohusaid. Álbmotdearvvašvuođabargu galgá ovddidit álbmoga dearvvašvuođa, čálggu, buriid sosiála ja biraslaš diliid ja veahkehit eastadit psyhkalaš ja somáhtalaš buozalmasvuođaid, vahágiid ja gillámušaid.

Láhka galgá sihkkarastit ahte gielddat, fylkkagielddat ja stáhtalaš dearvvašvuođaeiseválddit álggahit doaibmabijuid ja oktiiheivehit doaimmaset álbmotdearvvašvuođabarggus dohkálaš vuogi mielde. Láhka galgá láhčit dilálašvuođaid guhkesáigásaš ja vuogádatlaš álbmotdearvvašvuođabargui.

Loga lasi álbmotdearvvašvuođalága birra