Givssidanáittardeaddji birra

Givssidanáittardeaddji galgá bearráigeahččat ahte buot ohppiin mánáidgárddis, vuođđoskuvllas ja joatkkaskuvllas lea buorre psykososiála mánáidgárde- ja skuvlabiras. Gøril Figenschou lea Finnmárkku givssidanáittardeaddji.

Áittardeaddji lea sorjjasmeahttun resursaolmmoš geas lea jávohisvuođabággu. Áššit eai váldojuvvo ovdan iešalddis du miehtama haga. Gulahallandieđut givssidanáittardeaddjái gávnnat ášši loahpas.

Gii sáhttá váldit oktavuođa givssidanáittardeaddjiin?

Givssidanáittardeaddji Gøril Figenschou. Ørjan Marakatt Bertelsen

Mánát, nuorat, váhnemat ja earát máná/nuora birrasis
Mánáidgárddi, skuvlla ja doarjjabálvalusa jođiheaddjit ja bargit
Organisašuvnnat mat háliidit árvalusaid buori bajásšaddanbirrasa hábmemii

Maid bargá givssidanáittardeaddji?

Hálešta duinna jus don leat vásihan loavkideami dahje givssideami
Bagada ja veahkeha čoavdit hástalusaid
Searvá kurssaide ja fáddáeahkediidda váhnemiid/fuolaheddjiid várás. Mátkki ja orrunsaji ferte lágideaddji gokčat.
Searvá kurssaide ja fáddáeahkediidda ja bagada mánáidgárddi ja skuvlla bargiid. Mátkki ja orrunsaji ferte lágideaddji gokčat.