Jus dus lea juo šiehtadus oahppofitnodagain galggat aŋkke čálihit iežat ohccin Vigo:i. Bargoeallinbagadalli/fágaoahppokoordináhtor du skuvllas čuovvula du dassái go fitnet hárjehallansaji. Don sáhtát juogo leat fidnooahppi geas lea mihttomearri váldit fága-, sváinnasreive, dahje don sáhtát leat oahpaheaddjikandidáhtta jus dus lea jurdda čađahit vuođđogelbbolašvuođaluotta mas mihttun lea gelbbolašvuođageahččaleami čađahit.

Hárjehallisadjeohcciide geat eai leat ožžon hárjehallansaji:

• Oahppu oarji (Romsa): Hárjehallisadjeohccit geat eai leat ožžon hárjehallansaji bohtet skuvlii gos vázze/ledje oahppin.
• Oahppu nuorta (Finnmárku): Fágaoahppokoordináhtor váldá oktavuođa hárjehallisadjeohcciiguin geat eai leat ožžon hárjehallansaji.

Ohcanáiggemearit

• Oahpaheaddjikandidáhtat sáddejit elektrovnnalaš ohcamuša  Vigo.no bokte ja vejolaš mielddusskovi ovdal guovvamánu 1.beaivvi.
• Fidnooahppit sáddejit elektrovnnalaš ohcamuša  Vigo.no bokte ovdal njukčamánu 1.beaivvi.
• Ohcanlisttut leat oahppohállifitnodagaide olahanmuttus njukčamánus goas nu.

Várut fal ahte mobiilanummir ja čujuhus Vigo:s lea riekta vai fitnodagat ja oahppokantuvra sáhttá dutnje ohccin váldit oktavuođa.

Mo viidásat

Go mi leat ožžon du ohcamuša de váldit mii oktavuođa oahppokantuvrrain dahje fitnodagain geainna dus leamašan oktavuohta. Mii de muitalat fitnodagaide du birra gitta čakčamánu 1.beaivvi rádjai. Don fertet leat telefovnna olámuttos dassái go fitnet fálaldaga. Rahkan fal jus sihtet du bargojearahallamii.

Go juo fitnodagat ieža mearridit háliidit go sii váldit oahpaheaddjikandidáhta dahje fidnooahppi, de eat sáhte mii dáhkidit dutnje hárjehallisaji. Jus it fitne fálaldaga de lea dus vuoigatvuohta Js3 fágaoahppu skuvllas.