Jagi 2025 earit
Ohcanskovvi lea almmus ja lobit addojuvvojit automáhtalaččat oanehis áiggi siste juos lobi eavttut leat devdojuvvon.
Dáppe gávnnat ohcanskovi
Tabealla lea ođasmahttojuvvon 22.06.2025
Go goddá njurjo
Ođas jagis 2025 lea, ahte goddojuvvon njurjuid sisaraporteren galgá dahkkojuvvot digitálalaččat, juogo skoviin Felt sel [Goddán njurjo], man gávnnat dáppe skjema.ffk.no dahje SMSa bokte.
Go geavahat SMSa, geavat kodasáni SEL ja sádde nummirii 2229. Kodasáni maŋábeallai čálát dieđuid goddima áigemeari, šlája ja gieldda hárrái.
Ovdamearkka dihtii:
SEL 12.7 Geađgenjuorjju Čáhcesuolu
Bivddu/gulaskuddangeatnegasvuođa čađaheapmi
Ovdal bivddu lea bivdi geatnegahttojuvvon gulaskuddat Finnmárkku fylkkagielddas, leatgo guovllu ollesearis šat eallit goddinláhkai. Fylkkagielda lea geatnegahttojuvvon orustahttit bivddu go ollesearri lea goddojuvvon.
Lea dušše lobálaš geavahit báhčinvearjju mas lea rihkkuhuvvon bissobiipu ja ammunišuvdna mas lea viidu luođđa ja meroštusárvu mii lea uhcimusat 2 700 jouvle (275 kilográmmamehtera) 9 grámmasaš luođaid várás 100 mehtera báhčinmuttus ja 2 200 juovle (225 kilográmmamehtera) 10 grámmasaš luođaid várás 100 mehtera báhčinmuttus.
Gáhttenguovlluin sáhttá leat gildojuvvon bivdit ja geavahit báhčinvearjjuid. Eanet dieđuid Finnmárkku gáhttenguovlluid birra oaččut go válddát oktavuođa Romssa ja Finnmárku stáhtahálddašeddjiin.
Raporteren
Buohkat fertejit buktit loahpparaportta beroškeahttá sállašis. Loahpparaporterenvejolašvuohta rahpasa 1.10.2025 sierra skovis, man gávnnat dáppe: skjema.ffk.no.
Buot bivdit geain lea lohpi, ožžot muittuhusa ahte sii galget buktit loahpparaportta golggotmánu 5. beaivvi juos eai leat dan dahkan.
Juos bivdi ii sádde sisa raporterema bivddus, de sáhttá dát mielddisbuktit eretčuoldima bivddus čuovvovaš jagi.
Sámegillii ođasmahttojuvvon: 29.07.2025
Samisk versjon oppdatert: 29.07.2025