Min bargamušat leat:

• Váfistit bivddihahtti fuođđošlájaid
• Bargat ovddidit fuođđolága ulbmila
• Bagadallat gielddaid ja vuoigatvuođalaččaid
• Doaimmahit mearridanválddi bivdoáiggiid dáfus
• Juohkit doarjagiid fuođđodoaibmabijuide

Birasdirektoráhtas ja Stáhtahálddašeaddjis lea ovddasvástádus stuorra boraspiriin, ovdamearkka dihtii albasis ja geatkkis.

Fylkkagielddas lea plánaeiseváldin deaŧalaš doaibma fuolahit fuođđuid eallinbirrasis, ja mielváikkuhit ahte gielddalaš ealgahálddašeapmi áittarda máddodagaid ja eallinbirrasiid buvttadanmunis ja eatnatgeardáivuođas.

Fylkkagildii lea fápmuduvvon váldi gáržžidit ealga- ja ruksesgoddebivdoáiggi doppe gos leat soahpameahttunvuođat bivddu alde. Fylkkagielda sáhttá maiddái viiddidit kanádačuonjá- ja indiačuonjábivdoáiggi doppe gos dát lea ávkkálaš, gč. láhkaásahusa bivdoáiggiid hárrái §3, č. 2.

Ealgamáddodatárvvoštallan ja ealgamáddodatplánat

• Romssa ealgamáddodatárvvoštallan 1990-2017 (PDF, 953 kB) (Naturdata AS 2018)
• Finnmárkku ealgabivddu hálddašeamis leat njealji- dahje viđajahkásaš máddodatplánat vuođđun. Máddodatplána lea bivdovuoigatvuođalačča almmolaččat dohkkehuvvon plána máddodatgárgedeami ja jahkásaš báhčámuša várás. Buot máddodatplánat molsojuvvojedje jagi 2019. Don gávnnat máddodatplánaid neahttasiiddus FeFo.no.

Báhčinbálká

Báhčinbálká sáhttá dušše ásahuvvot fuođđošlájaide, main lea bivdoáigi ja mat vaháguhttet. Báhčinbálkáortnegat gustojit dušše fuođđošlájaide, mat girdet bivdojuvvot.

Ávkkálaš liŋkkat:

• Hjorteviltregisteret [Goddefuođđologahallan]
• Miljødirektoratet – Vilt [Birasdirektoráhtta – Fuođđut]
• Mattilsynet – Jakt og viltkjøtt [Biebmobearráigeahčču – Bivdu ja fuđđobiergu]
• Veterinærinstituttet – Vilthelse og viltsykdommer [Veterinearainstituhtta – Fuođđodearvvašvuohta ja fuođđodávddat
• Romssa ja Finnmárkku stáhtahálddašeaddji

Sámegillii ođasmahttojuvvon: 29.07.2025
Samisk versjon oppdatert: 29.07.2025