UKM (Ung Kultur Møtes) / NKD (Nuoraid kultuvra deaivvada) lea almmolaš kulturdoaibmabidju gaskkal 13 ja 20 jahkásaš nuoraide, ja dáhpáhuvvá miehtá riikka. UKM/NKD lea:
- Báiki gos nuorat gávnnadit nuoraiguin
- Báiki gos besset ovdanloaiddastit nuppiid oaidnut
- Báiki gos ohppet mo kultursuorgi doaibmá
- Báiki gos ohppet ráhkadit konseartta ja dáiddačájáhusa
- Báiki gos oahppašuvvet kultursuorgái áibbas eará láhkai go eará báikkiin
- NKD Norga (UKM Norge) lea vásttolaš láhčimis NKD:i dilálašvuođaid ja gárgedeami riikka dásis.
NKD báikkálaš dásis
NKD galgá veahkehit čáhkket nuorra kultuvrii stuorát saji báikkálaš servodagas. Dát dahkkojuvvo báikkálaš čoahkkanemiid ja eará doaibmabijuid bokte mat laktásit NKD:i. Dát doaibmabijut sáhttet ovdamearkka dihtii leat bargobájit, ovttasbarggut báikkálaš festiválaiguin ja eará lágideamit jagi ollodahkii.
NKD:s leat báikkálaš čoahkkaneamit dahje festiválat buot gielddain juohke jagi. Deike sáhtát almmuhit iežat, juos dus lea juoga man háliidivččet čájehit, dahje juos háliidivččet leat mielde lágideamen dahje dokumenteremin. Muhtimat besset maiddái leat mielde fylkkafestiválas ja riikkaviidosaš NKD-festiválas.
Gielddat besset ieža oalle iešheanalaččat hábmet makkárin NKD galgá leat sin gielddas. Finnmárkkus dáhpáhuvvet eanaš lágideamit gielddain. Gielddat válljejit ieža báikkálaš čoahkkanemiid ja festiválaid bokte nuoraid geat galget mannat fylkkafestiválii.
Almmuheapmi báikkálaš čoahkkanemiide dahkkojuvvo NKG Finnmárkku bokte.
Gávnnadit ovtta fylkka nuppiid nuoraiguin
Maŋŋil go báikkálaš čoahkkaneamit leat čađahuvvon, de lágidit fylkkat čoahkkaneami gos seamma fylkka nuorat gávnnadit. Juohke fylkkas lea fylkkaoktvauođaolmmoš gii lea vásttolaš čađahit fylkkačoahkkaneami. Fylkkain sáhttet maiddái leat eará lágideamit mat laktásit NKD:i jagi ollodahkii. Dát rievddada fylkkas fylkii, ja jagis jahkái.
Jahkásaš NKD-festivála
Juohke jagi bohtet gaskkal 500 ja 600 nuora miehtá riikka jahkásaš, riikkaviidosaš NKD-festiválii. Dáppe sii deaivvadit juogadit kulturvásihusaid, mat gártet leat buot lávdeovdanloaiddastemiid rájes, mediabuvttadeami bokte girjjálašvuođa ja dáidaga rádjai.
Loga eambbo NKD birra.
Maŋemusat rievdaduvvon 07.07.2025.