Kulturmuittut
Doaba čujuha buot mearkkaide, maid olbmot leat guođđán min fysihkalaš birrasii. Dat sisdoallá ovddeš áiggiid oinnolaš ja oaidnemeahttun mearkkaid, nugo visttiid, dávviriid, arkeologalaš gávdnosiid, ja báikkiid mat laktásit historjjálaš dáhpáhusaide, oskui dahje árbevieruide.
Kulturbiras
Kulturbiras sáhttá leat ássanguovlu, guollebivdohápman, geassesadji, dahje industriijaguovlu gos leat fabrihkat, infrastruktuvra ja ásodagat. Maiddái luondduelemeanttat main lea kulturhistorjjálaš árvu, sáhttet leat oassi kulturbirrasis.
Ráđđehus lea bidjan golbma našuvnnalaš ulbmila Norgga kulturpolitihkkii:
- Buohkain galgá leat vejolašvuohta searvat kultureallimii ja guoddit ovddasvástádusa kulturbirrasis
- Kulturbiras galgá váikkuhit guoddevaš ovdáneapmái ollislaš servodatplánema bokte
- Máŋggabealat kulturbirrasis galgá adnojuvvot fuolla vuođđun dihtui ja máhttui, vásihussii ja geavaheapmái.
Nugo oaidnit našuvnnalaš ulbmiliin, de leat ássiid oaivilat deaŧalaččat.
Norgga hálddašeapmi
Kulturmuittut juhkkojuvvojit dávjá eahpeávnnaslaš/vuoiŋŋalaš kulturárbin, main fuolaha Kulturdepartemeanta Kulturdirektoráhta bokte, ja ávnnaslaš/gitta fysihkalaš kulturárbin, main fuolaha Dálkkádat- ja birasdepartemeanta ja mas Riikaantikvára lea direktoráhtta.
Finnmárkku fylkkagieldda kulturárbejuogus gieđahallá áššiid, mat gullet gitta fysihkalaš kulturárbái.
Sámegillii ođasmahttojuvvon: 23.04.2025
Samisk versjon oppdatert: 23.04.2025