Kulturmuittut ja kulturbirrasat leat deaŧalaš oasit min oktasaš árbbis, ja gielddain lea mearrideaddji rolla dáid divrras valljodagaid seailluheamis iežaset plánaid bokte. Kulturmuittut ja birrasat galget leat deaŧalaš oasit buot doaibmabijuid vuđđosis, ja ođđa elemeanttat berrejit heivehuvvot báikki hábmengiela mielde. Gielddas lea váldoovddasvástádus dán sihkkarastimis, ja plána- ja huksenláhka galgá leat mielde nannemin gieldda stivrejumi.
Plána- ja huksenláhka ja kulturmuitoláhka leat deaŧalaš reaiddut kulturmuittuid ja kulturbirrasiid hálddašeamis.
Loga lasi ráđđehusa neahttasiidduin Kulturmuittuid ja kulturbirrasiid hárrái Plána- ja huksenlága mielde
Gielda berre kártet ja identifiseret báikkálaš kulturmuittuid ja kulturbirrasiid, main leat deaŧalaš árvvut, ja gielddas lea láhkavuođđu gáhttet muddema bokte seailluhanveara sierraguovlun. Mudden addá suohkanii vuoigatvuođa gieldit gaikuma.
Kulturmuittuid seailluheapmi gáibida ovttasbarggu iešguđetlágan oassádalliid gaskkas. Gielddat searvvahit dávjá báikkálaš servodaga, kulturmuittuid eaiggádiid ja eaktodáhtolaš organisašuvnnaid prosessii. Dát sihkkarastá ahte iešguđet oaivilat guldaluvvojit ja ahte seailluhanbargu oažžu viiddis doarjaga. Gielda sáhttá vásihit hástalusaid nugo soahpameahttunvuođaid seailluheami ja ovddideami gaskkas, vaikko vel dat ii dárbbaš juoppá goappá dahje ii goappáge válljemis leat sáhka. Kulturmuittuid seailluheapmi addá vejolašvuođaid báikkálaš árvolassáneapmái, mátkeealáhussii ja buoret eallinkvalitehttii ássiide.
Dálá plánemis ferte váldit vuhtii dálkkádathástalusaid maiddái eastadan dihtii ahte deaŧalaš kulturmuittut ja kulturbirrasat eai massojuvvo.
Kulturbirasplána
Gielda sáhttá meroštallat iežas kulturmuittuid ja kulturbirrasiid sierra kulturbirasplánas (ovddeš doaba kulturmuitoplána).
Nuppit kulturmuittut leat automáhtalaččat gáhttejuvvon láhkamearrádusaid bokte, ja nuppit kulturmuittut fas eai leat. Kulturmuittut ja kulturbirrasat mat eai automáhtalaččat gáhttejuvvon, sáhttet váldojuvvot mielde gieldda plánaide vai gáhttejupmi ollašuvvá. Plánas sáhttet/galget dasa lassin leat mielde kulturmuittut main juo lea eará gáhttejupmi ja maid gielda atná deaŧalažžan suodjalit.
Gielddaid kulturmuitobargu lea mearrideaddjin sihkkarastit, ahte min oktasaš kulturárbi seailluhuvvo boahttevaš sohkabuolvvaide. Dárkilis plánaid, ovttasbarggu ja beroštumi bokte sáhttet gielddat veahkehit min rikkis historjjá seailluhit ja gaskkustit.
Loga lasi Kulturbirasbarggus gielddain (KBG)
Sámegillii ođasmahttojuvvon: 23.04.2025
Samisk versjon oppdatert: 23.04.2025